Authorizations, license

Visible by: Everyone
All rights reserved

939 visits

AVE MARIA, REĜINO de la ESPERO


Mi kuraĝis verki tiun ĉi preĝokanton kaj iom timas, ke mi ne sufiĉe bone kapablis esprimi mian profundan kredon en la Dipatrino Maria. Mi konscias, ke la kanto estas " modesta, populara kanto ", kiu ne priskribas teologiajn konceptojn: ĝi nur esprimas mian animon kaj espereble la humilajn sentojn de multaj simplaj fideluloj, eble iom naivaj sed sinceraj. Tamen, ĝi tute respektas la oficialan katolikan kredon kaj emfazas la amon, kiun milionoj da kredantoj en la tuta mondo sentas por la Sankta Virgulino. Do, karaj geamikoj, se vi ŝatos ĝin, mi ĝojos kaj eble ankoraŭ mi kuraĝos verki kantojn, pri amo, pri paco, amikeco kaj kredo; se ne, bonvolu pardoni mian naivan agmanieron, kiu certe nuntempe estas " datumita ", sed estas la vivmaniero, kiun mi lernis de mia amatega patrino.
AVE MARIA, REĜINO de la ESPERO Ave, ave Maria, Reĝino de la Espero, Vin mi salutas, ho Madono de mia koro. Ho, Sankta Virgulino, de l' vera Amo la fonto, Patrino de Jesuo, nia Savanto, asistu nin ĉiutage, kvazaŭ infanoj, prenu niajn manojn kaj helpu nin elteni niajn penojn. Al Vi sopiras koroj por la konsolo sia. Vin vokas ĉiuj " Panjo " kun sento pia. Protektu Viajn filojn disajn sur la tuta ter', ne lasu ilin en malsato aŭ sen liber', mi preĝas.
Se l'estonto malheliĝas, brilas pli Viaj okuloj kaj lumigas nian vojon per radio, sun gvidado Via sekura ni fariĝas kuraĝuloj, dank' al helpo Via timigas nin nenio. Vortojn miajn, do aŭskultu, Vin ni preĝas kun fervoro, Dipatrino estas Vi nia espero. Vi donas al ni certecon, ke en ĉi mondo triumfos la Bono. Propetu Dion pri paco kaj frateco, por ni pri Lia pardono. Ave, ave Maria, Reĝino de la Espero. Vin mi omaĝas, ho Madono de mia koro. Tutkore Vi kompatas pekulon pentofarintan, neniam Vi forlasas filon vojerarintan. Fortigu l' malsanulojn, portu al ili resanigon aŭ donu almenaŭ sanktan rezignacion, mi preĝas. Se danĝero proksimiĝas, tenu min flake de Vi: ĉiam zorgas Vi pri filo Vin vokanta; Via ĉeno rozaria estas la ankro por mi, subtenil' por ĉiu filo Vin amanta. Nun mi petas, Dipatrino, per tiu ĉi simpla preĝado, montru celon al nia surtera paŝado. Vi tion faros sendube, ni sopiras al nura provizo: pretigu por Viaj filoj, de Vi apude, lokon en Paradizo. Ave, ave Maria, Reĝino de la Espero, Vin mi salutas, ho Madono de mia koro.

Anjo, Edward, Esperanto en Silezio, Agata and 2 other people have particularly liked this photo


7 comments - The latest ones
Aminda (Ivanka Stoyanova)
Aminda (Ivanka Stoya…
DSC01472 GRATULON, kara Manŭel! Vi kantas belege kaj via belsona kaj ĝusta E-prononco estas enviinda. Via mirinda voĉo elkore kaj kortuŝe esprimas vian profundan kredon, amon kaj dankon al la Sankta Virgulino. Kuraĝe daŭrigu verki kantojn, la esperantistaro (kaj ne nur) bezonas viajn valorajn muzikaĵojn.
6 years ago.
Silvia Garnero
Silvia Garnero
Kara Manuel, vi estas vere granda komponisto kaj kantisto. Korajn gratulojn kaj salutojn
6 years ago.
MANŬEL
MANŬEL
Elkorajn dankojn, karaj Aminda kaj Silvia. Verŝajne, vi estas tro afablaj kaj donacemaj je laŭdoj. Aliflanke, en nia materiisma Eŭropo, la plimulto el la homoj tute neglektas la spiritualecon kaj eĉ mokas tiujn, kiuj kuraĝas publike deklari sian religian kredon kaj defendi la kristanajn radikojn de nia civilizo. Amikegajn salutojn kaj bondezirojn por ĉia bono.
6 years ago.
Agata
Agata
Mi tre dankas Manuel ....mi deziras al vi estu Maria ĉiam kun vi!
6 years ago.
MANŬEL
MANŬEL
Kara Agata,
viaj danko kaj bondeziro estas sinceraj kaj simplaj, tamen, aŭ ĝuste tial, tre ŝatataj. Mia respondo estas, ke la Virgulino Maria ĉiam estu kun ni ĉiuj kaj propetu ĉe Dio por la tuta homaro.
6 years ago.
Gajdos Pál
Gajdos Pál
Saluton, samideano! Al mi tre plachas via kanto-pregho. Dum la orthodoxa Sankta Liturgio ankau mi multe kantas similajn - hungare, sen gitaro , - en khoro.
6 years ago.
rev. Serhij Prudko
rev. Serhij Prudko
Kara Manuel, mi eksentis min infano. Tunkoran dankon!
6 years ago.