See also...


Keywords

esperanto
julio
esperantisto
baghy
Julio Baghy
poemo


Authorizations, license

Visible by: Everyone
All rights reserved

3 126 visits

Estas Mi Esperantisto - Julio Baghy


Verda stelo sur la brusto
iom palas pro la rusto.
Mi ne estas purigisto;
estas mi esperantisto.

Kuŝas ie sub tegmento
"Netuŝebla Fundamento".
Tuŝu ĝin nur la Mefisto;
estas mi esperantisto.

Polvkovrite sur bretaro
putras mia SAT-vortaro.
Tedas min la vorto-listo;
estas mi esperantisto.

Gramatikon mi ne konas
kaj gazeton ne abonas...
Librojn legu la verkisto;
estas mi esperantisto.

Mi parolas kun rapido:
"Bonan tagon! Ĝis revido!"
Ĝi sufiĉas por ekzisto;
estas mi esperantisto.

Pionirojn mi kritikas,
la gvidantojn dorne pikas
kaj konspiras kun persisto;
estas mi esperantisto.

Por la venko mi esperas,
sed neniom mi oferas.
Mi ne estas ja bankisto;
estas mi esperantisto.

Se baraktas en la krizo
la movado, organizo,
helpas mi nur per rezisto;
estas mi esperantisto.

Flugas per facila vento
el la buŝo Nova Sento.
Ĝi sufiĉas por sofisto;
estas mi esperantisto.

Post la mort' ĉe tombo mia
staros "rondo familia",
nekrologos ĵurnalisto:
estis li esperantisto.

Prenita el www.esperanto.org/literaturo/mp3/estas_mi_esperantisto.html

Paulo Silas, Anna Karlik have particularly liked this photo


6 comments - The latest ones
Blazio VAHA  (n.s. WACHA, Balázs)
Blazio VAHA (n.s. W…
Koran dankon!

Kiu recitas la poemon? Supozeble germano, kun iom aspiraciaj plozivoj.
En la titolo Julio Baghx certe ne komencis cxeflitere (majuskle) la pronomon mi (Mi).
Mi supozas influon de anglaj skribo-kutimoj.

Blazio
9 years ago.
Abel Sidney
Abel Sidney
Tre interesa tiu poemo! La recitanto devas esti, fakte, germano... Sed estas cxiam tre interesa auxdi alilandanoj parolante Esperanton!
9 years ago.
Roberto Tresoldi
Roberto Tresoldi
Tre forta r-sono, cxu ne? Spite al cxio, la legado estas tute komprenebla, kvankam mankas, laux mi, iom da aktorado ;) Gxis la!
9 years ago.
Imre Szabo
Imre Szabo
Kiel samlandano de Julio Baghy, iama fama eserantisto-poeto mi kore dankas al vi la recitadon. Ĝi kortuŝis min.
9 years ago.
Attilio Liotto
Attilio Liotto
Saluton LaPingvino, mi estas administranto de la grupo ELIRO Amikoj. Ni estus tre kontentaj, se vi pretus aldoni tiun ĉi dokumenton al nia grupo
Dankon flanke de la tuta grupo > ELIRO Amikoj < .Ø http://www.ipernity.com/group/38610

amike Attilio
9 years ago.
rughulo
rughulo
germana elparolado preskaŭ ne ekzistas - sed jes kolonja, hamburga, munkena, dresdena , alemana , aŭstra . Kiel germano mi ne sukcsesis diveni la originon de la recitanto. Ĉu eble nederlandano aŭ hispano? Konklude, la elparolado estas sufiĉe internacia
8 years ago.