miaj okulvitroj

Kiam mi estis forlasinta mian malnovan loĝejon, ĉiuj miaj aferoj denove estis kune en unu loko. Tio estis bonega okazo por ordigi! Sed mi ne volis simple forĵeti aferojn, kiuj ankoraŭ povas esti utilaj al aliaj personoj.

Sur la foto videblas miaj lastaj kvin paroj da okulvitroj. (Nur unu el la infaneco mankas, sed tiam ĉiel ajn estis interrompo de multaj jaroj.) La plej malnovaj estas plej sube, la plej novaj plej supre. La tri plej malnovajn parojn mi donacis al www.brillensammelaktion.de. "Brillen ohne Grenzen" (okulvitroj sen limoj) kolektas okulvitrojn, kiuj ne plu estas bezonataj, kaj donas ilin al homoj, kiuj ne havas la monon por financi ilin.