”Ni ne timas la novan” 

hm... ambigua reklamo... ;)

Jes, ankaŭ mi pensis tion. Hieraŭ survoje al Ŝeremetjevo ni vidis plian tian ŝildon, kaj mi demandis la taksiiston, ĉu oni ne povus tion interpreti ne nur "Ni ne timas novaĵojn", sed ankaŭ "Ni ne timas la novan (prezidenton)". Li opiniis, ke ne. "Kommersant ja ne estas opozicia eldonaĵo", li diris. Sed ĝi tamen estas tre malferma, hieraŭ estis pluraj interesaj aferoj pri la elektoj kaj pri la arestadoj. En aviadilo mi pro interesiĝo prenis Izvestija, kiu ŝajne lastatempe iĝas ĉiam pli obeema. En ĝi mi trovis nenion pri la arestoj. La sola interesa artikolo estis pri la alteco de la benkoj en la novaj vagonoj de la metroo...

> "Kommersant ja ne estas opozicia eldonaĵo"
tamen, tamen...

Kaj min pleje ekinteresis la lasta litero - ъ - твёрдый знак - "malmola signo" kies uzon fine de viraj substantivoj oni ĉesigis en 1920-a jaro!

Nu, la gazeto Kommersant uzas tiun literon por montri sian longan tradicion. Vidu la klarigon pri la historio de la gazeto ĉi tie...