MacBook & Bondwell 

Nia unua komputilo estis tiu videbla sur la ekrano, portebla aparatego kun grandega fiksa disko de 20 Mb kaj operaciumo DOS. La ekrano estis verda, kun griz-verdaj literoj. Unu kialo aĉeti tiun aparaton estis la modernega enkonstruita modemo, kun rapideco de 1200 baŭdoj, tute akceptebla en tiu tempo, kvankam la (mal)rapideco estis tia, ke oni povis vidi ĉiun tekstolinion aparte, kiam ĝi aperis sur la ekrano. Unue mi uzis la modemon ĉefe por konektiĝi al la centra komputilo de la gazeto Kansan Uutiset en Finnlando, por sendi miajn tekstojn, sed en 1992, reveninte el Moskvo, mi jam havigis retpoŝtan konekton, kio tre utilis por kolekti tekstojn por TEJO tutmonde, kiun mi redaktis.