Memortabulo en Helsinki 

La steleto signifas la naskodaton, tio estas tute ordinara sur finnlandaj tomboŝtonoj. Por mortodato oni kutimas uzi krucon.

La svastiko ne estas nazia, se vi atente rigardas - la nazia svastiko ruliĝas en la mala direkto. Ĉi tia svastiko estis la simbolo de la finna aerarmeo ekde la 1920-aj jaroj, kaj ankaŭ cetere uzita en diversaj armeaj kuntekstoj, ekzemple sur ĉenoj de iuj ordenoj ktp. Ĝenerale ĝis la fino de la dua mondmilito svastikoj estis tre oftaj en diversaj landoj kaj diversaj kuntekstoj - ja temas pri pratempa barata simbolo. Post la dua mondmilito oni ĉesis uzi svastikojn, ĉar ili iĝis tro ligitaj kun la nazioj.

Ĝuste ĉi tie la svastiko supozeble estas uzata por indiki, ke la koncernaj homoj heroe pereis en la vintra milito. Mi neniam vidis tian uzon antaŭe, sed povas imagi ligon kun la armea simbolo, pro la datoj, mortolokoj - kaj la teksto "Isänmaan puolesta" - "Por la patrolando".

Cetere, mi iam verkis pri la vintra milito por La Ondo de Esperanto, ĉi tie:

La Vintra milito - 60 jarojn poste

Grandan dankon, kara Kalle pro la bona klarigo. Mi, fakte, supozis ion en la sama direkto. Mi vidis saman svastikon (ne memoras, ĉu kun la sama ruliĝo aû ne) dum nia Korea vojaĝo. Cetere, mi ĉiam supozis ke la signo estas vasta uzata oriente. Sed trovi ĝin en Finlando, nuntempe... Estis iomete subite.
Dankon, ankoraû foje.
Plej amike
ĴomArt

Ne dankinde!