Sur somera herbejo

El finna naturo


Okazaj bildoj pri norda naturo

Sur somera herbejo

30 Jul 2008 379
Ĉu vi scias ĝian nomon?

Kiu papilio?

30 Jul 2008 1 1111
Papilioj estas mirinde multaj kaj mi nur malbone konas ilin. En interreto troviĝas bonaj fotoj pri similaspektaj specoj, sed ju pli mi ilin rigardas, des pli mi konfuziĝas. Ŝajnas esti certe. ke temas pri la familio Nymphalidae , eble subfamilio Heliconiinae , sed kiel klasi la belulon pli detale: ĉu iu Boloria , Argynnis , Fabriciana ...? Neniu bildo montras tute similan makularon sur flugiloj (sed la makuloj ja varias), kaj se la makuloj iom similas, ne estas similaj alterne nigraj-blankaj zonoj, kiuj klare videblas sur la antenoj. Kion diri?

Velkinta floro

Profunda nokto somera

22 Jun 2008 1 3 2108
Meznokto ĉe unu el la 180 000 lagoj de Finnlando. Fotita 8 minutojn post la noktomezo inter la 21-a kaj 22-a de junio 2008. La suno subiris je 23:14 kaj leviĝis je 03:37 (la malsimetrion kaŭzas la horzonoj kaj la somera tempo).

Aŭtuna kverko

07 Oct 2008 1 1 684
Jam duone flavas ĉi tiu kverko proksime al mia hejmo. Komparu la pompe verdan hispanan arbon de Manolo , kaj mian printempan senfolian kverkaron . La kverko en ĉi tiu bildo tamen sufiĉe bone eltenas, ĉar ankoraŭ videblas ia verdo, dum multaj betuloj jam hele flavas kaj la folioj faladas. Sur kortoj mi vidas homojn kiuj forrastas la falaĵon. – Fakte mi volis foti sciuron en la kverko, sed ĝi kaŝiĝemis kaj tro rapidis.

Sciuro

07 Oct 2008 407
Se ne tiun sur la kverko, almenaŭ ĝian amikon en proksima pino mi kaptis. Videblas ankaŭ blanka trunko de betulo kaj ties flavaj folioj, iom verdaj folioj de acero, kaj ruĝaj beroj de kratago.

Vipuro

29 Jun 2008 583
Duonmetra vipuro ( Vipera berus ) ne facile distingeblas sur brune griza pado.

Vipuro

29 Jun 2008 1200
En makulo de sunlumo, kie ne ombras arboj, ĝi videblas pli bone. Bela besto, verŝajne vipurino. Ĉu ĝi estas graveda aŭ nur bone manĝis?

Ne videblas eĉ unu alia insulo

20 Jul 2005 1 3 1067
La glacia epoko, kiu finiĝis antaŭ 10 000 jaroj, kreis la artajn formojn de la insulo. Glacia tavolo kelkajn kilometrojn dika pezis sur la baza roko kaj, moviĝante kun sablo kaj gruzo, frotis kaj erodis, ondume glatigis kaj poluris la ŝtonan surfacon.

Ne neĝas kaj tamen neĝas

24 Jan 2009 1 394
Venteto kreas blankan vualon super la vojo, disŝutante molan frostan neĝon de sur la branĉoj.

Alloga banejo

25 Jan 2009 1 4 1201
Vintra banejo-naĝejo ĉe marbordo. Pumpilo subakva movas la akvon tiel, ke ĉiam restas senglacia loko por la amantoj de frosta baniĝo. La temperaturo de la surfaca akvo estas ĉirkaŭ nulo. – Proksime staras ankaŭ ŝvitbanejo.

Nokta preterpaso

27 Oct 2007 403
Ŝipo de Turku al Stokholmo, en aŭtuna mallumo, preterpasas la insulon Norrskata en Sudokcidenta Finnlando. Vento vipas la lastajn flave brunajn foliojn de la surbordaj arbetoj.

Du korvoj

15 Feb 2009 422
Du grizaj korvoj (kornikoj) observas la mondon. Ili elektis por si bonan rigardejon, la supron de plej alta betulo. Kial la proksimaj piceoj tiel okulfrape diferencas: unu estas plena de konusoj, dum la aliaj ŝajnas tute senfruktaj?

Verda fringo, sentima manĝanto

01 Mar 2009 2 740
Hodiaŭa (1 marto 2009) bildo pri nia korta birdomanĝujo. La verda fringo en la bildo sidadas ĉe la trogeto kaj trankvile satigas sin per la proponataj semoj de sunfloro. Paruoj grandaj kaj bluaj kutimas nur rapide kapti semon per beko kaj tuj forflugi al proksima arbusto por ĝin tie senŝeligi kaj manĝi. (La foto estas farita iom fore, per simpla fotilo inter latoj de kurteno, kaj poste pligrandigita, Pro tio la kvalito ne estas bona, sed la birdo verŝajne rekoneblas.) – Antaŭ du tagoj Tjeri skribis pri verda fringo, Printempa birdo .

Likeno sur roko

04 May 2009 493
Ĉi tiu likeno kreskas sur vertikala surfaco, kiun iam faris homoj rompante rokon pro vojkonstruo. La likenmakulo estas larĝa je kelkaj centimetroj kaj eble dika je unu–du milimetroj. – Mi ne scias la nomon de la bela surroka likeno. Rapida serĉo montras, ke ĝi eble apartenas al la specaro Physcia aŭ ties parenco. (Espoo, Finnlando)

Inkofungoj

11 Oct 2008 685
Triopo da skvamaj inkofungoj rapide elteriĝis en nia ĝardeno en oktobro. La fungoj baldaŭ forkonsumiĝis, ili kvazaŭ digestas sin mem kaj fariĝas nigra inkeca fluidaĵo. La plej granda estas ĉ. 20 centimetrojn alta, 7 cm dika. Kiam junaj, ĉi-specaj inkofungoj estas manĝeblaj, sed ni ne gustumis ilin. ( Coprinus comatus , laŭ PIV “hara kopreno”)

Printempo de burdo

04 May 2009 428
Sola burdo kolektas polenon sur floro de saliko. Nun ĝi vivas sen kunuloj, sed se ĝi sukcesas trovi taŭgan nestejon kaj kolekti sufiĉe da poleno por nutri idaron, ĝi estos reĝino de eta burdaro.

Printempo de musnesto

04 May 2009 536
En ĉi tiu mola bulo el sekaj herboj verŝajne loĝis travintre kampomuso ( Microtus agrestis ). La nesto estis bone ŝirmita sub neĝo, sed kiam tiu fordegelis, la bulon maskas nur ĝia malbrila koloro. Baldaŭ ĝin nevidebligos la lupino ekkreskanta apude, kaj alia somera verdaĵo.

51 items in total