Frosta nesto 

Hodiaŭ, 24-a de marto 2010, mi vidis, ke du maragloj (Haliaeetus albicilla) lokiĝas tie.

Do okazas simila spektaklo ankaŭ ĉi-jare. Mi ankoraŭ ne sukcesis vidi ion ajn vivan en la nesto, nur neĝo jen fordegelas, jen revenas. Regulaj observantoj tamen raportis simile kiel vi. Mi legis ankaŭ, ke oni jam vidis almenaŭ du fiŝaglojn en suda Finnlando, kvankam la teron ĉie plu kovras neĝo. Ni vidos, ĉu fiŝagloj sukcesos reokupi sian neston. Iu diris, ke ĉi tiu nesto estas iom tro malgranda por maragloj, kaj tial ili uzas ĝin nur kiel okazan restejon kaj preferas pli larĝan fundamenton por sia kovejo-loĝejo. Sed kiu scias, se mankas pli luksaj nestejoj...