See also...


Keywords

Zamenhof
Unua Libro
aŭkcio
Język międzynarodowy
Dr. Esperanto


Authorizations, license

Visible by: Everyone
All rights reserved

1 318 visits

Unua Libro pola

Unua Libro pola
La unua “Unua Libro”, ruslingva prezento pri Esperanto, aperis en julio 1887. Baldaŭ poste venis ĉi tiu dua versio, en la pola lingvo.

La foto estas farita en la UK en Roterdamo, kie la libro estis aŭkciata. Iu pretis pagi 500 eŭrojn, sed la aŭkciestro (Humphrey Tonkin) rifuzis vendi la valoraĵon je tiel malalta prezo. Eble vi povos retrovi ĝin sur la aŭkcia tablo en Bjalistoko ĉi-jare.

La nomo “Unua Libro” estas pure konvencia, karesa nomo, kiun donis la posta esperantistaro al sia pralibro. Fakte, la titolo de la verko, en la diversaj lingvoj, estis “Internacia lingvo. Antaŭparolo kaj plena lernolibro”. Male, la dua libro, aperinta komence de 1888, efektive portis sur la titolpaĝo la nomon “Dua Libro de l’ lingvo internacia”.
Translate into English

Comments
 Roland Platteau
Roland Platteau
kaj mi vidis, ke la vorto Esperanto komencis anstataŭigi "internacia" ekde 1890 titolpaĝe de vortaro , kun "internacia" aldonita inter parentezoj.
Mi legis, ke tiu, kiu kiel unua nomis la lingvon per la nomo de ties aŭtoro estis Antonina Tĉajkovskaja en Krimeo.
12 years ago.
 Harri Laine
Harri Laine club
Interese, dankon por la informo! Mi ne antaŭe konis la nomon Ĉajkovskaja, kaj tuj komencis serĉi faktojn pri ŝi. Mi trovis, ke ŝi poste edziniĝis al N. A. Borovko, plej konata pro la fama “Letero al Borovko”, kie Zamenhof rakontas pri si mem kaj pri la ekesto de la lingvo.
12 years ago.

Sign-in to write a comment.