Harri Laine's photos

Lagobordo

15 May 2010 1 537
Bordo de Lago Lohjanjärvi fotografita printempe en la naturprotektejo Karkali.

Lago Kurkijärvi

14 Jun 2008 2 497
Inter arboj jam videblas Kurkijärvi, la Gruo-lago. Foto farita dum promenado en la naturprotektejo-migrejo Tremanskärr (‘la trivira marĉo’) en norda Espoo.

La preĝejo de Hammarland

15 Sep 2012 1 507
La preĝejo de Hammarland en Alando devenas de la 13-a jarcento kaj estas omaĝita al Sankta Katarina de Aleksandrio.

La Kruco de Vojaĝanto

25 Jun 2009 1 1 503
La kruco anoncas al lagovoja alvenanto, ke li proksimiĝas al monaĥejo.

La golfeto Väike viik post sunsubiro en Aŭgusto

11 Aug 2012 1 651
La golfeto Väike viik post sunsubiro en Aŭgusto. (Haapsalu, Estonujo)

La domo de Anni Blomqvist

15 Sep 2012 1 488
En ĉi tiu domo loĝis la verkistino Anni Blomqvist, kiu priskribis la malfacilan vivon de fiŝistoj en la fora insularo. Ŝi mem travivis spertojn similajn kiel la homoj en ŝiaj romanoj: dum fiŝkapta marveturo dronis ŝiaj edzo kaj filo, kaj iliaj korpoj estis neniam trovitaj. Poste similan sorton havis la alia el ŝiaj du filoj, sed ties korpon oni trovis post longa tempo, kaj li nun kuŝas en tombejo de Vårdö. La plej fama romanserio de Blomqvist rakontas la vivon de Maja el la Insuleto de Ŝtormoj en la 19-a jarcento. Ŝi verkis en la Sveda lingvo, sed ŝiaj verkaro estas konata en la tuta Finnlando, precipe post la drama serio pri Maja televidita unuafoje en la 1970-jaroj.

La bastonrompanto akiras forton el ŝlimo

09 Aug 2012 1 628
"Kepimurdja" (la bastonrompanto) de Juhan Raudsepp simbolas la kuracan forton de la ŝlimo en Haapsalu. Ĉe la margolfeto Väike viik, apud la hotelo-banejo Laine.

Korpa kulturo

11 Aug 2010 493
Homfiguroj de Veijo Rönkkönen gimnastikas en la Parko de Statuoj, Parikkala, Finnlando. En la somero de 2010 la loko estis ankoraŭ libere vizitebla, sed la estonteco ne estas certa. La skulptisto-parkoposedanto mortis antaŭ kelkaj monatoj.

Kaŝita vojo al kaŝa budo

30 Jul 2008 323
Traba vojeto kondukas al gvatejo, kie oni povas kaŝe observi birdojn. Sekaj branĉoj starigitaj ĉe la vojeto iom kamuflas la alvenantojn.

Kamparo en urbo

29 Jun 2010 280
Serena tago somera meze de Espoo, urbo de 250 000 loĝantoj. Ne tre facilas trovi ĉi tie lokon tiom kamparecan, ĉar ĉiuflanke troviĝas pli-malpli dense loĝataj urbopartoj. La kampoj en la bildo estas ankoraŭ kulturataj, kio estas escepta stato en la urba ĉirkaŭaĵo. – Bedaŭrinde, mi jam vidas grandan vojon skize desegnitan ĉi-loke sur iuj mapoj. Ĉu eblas forturni tian evoluon kaj konservi la pejzaĝon?

Juessee kun Harc-montaro en la fono

12 Jul 2008 329
Meze de la Esperanto-urbo Herzberg am Harz, en la karsta tereno, situas la idilia lago Juessee. Dekstre sur la kontraŭa bordo videblas liberaera banejo. Super la horizonto konture leviĝas la Harc-montaro.

Jokohama haveno

06 Aug 2007 255
Vido el la Simbola Turo de Jokohamo, 274 metrojn super la marnivelo. La kongresejo de UK 2007 videblas maldekstre ĉe la maro.

Jaĥta Klubo

10 Aug 2012 303
La Malnova Jaĥta Klubo en Haapsalu, haveno Veskiviigi.

Imperiestrino gardas ŝtuparon

16 Sep 2012 271
Marija Aleksandrovna, la edzino de imperiestro Aleksandro II de Rusujo gardas la ŝtuparon al la urbodomo de Mariehamn. La urbo, fondita en 1861, estas nomita omaĝe al la car-edzino.

Gimnastikejo en arbaro

24 Jun 2009 278
Skulptoarto de Veijo Rönkkönen plenigas la ĝardenon kaj arbaron ĉirkaŭ lia domo en Parikkala, Finnlando.

Ĝardeno de Virina Instituto

12 Aug 2007 291
En la ĝardeno de la japana Nacia Centro por Virina Edukado en Ranzan (Konferencejo de ILEI, 2007).

Fostulino

15 Feb 2009 335
Arto en urbo: skulptaĵo fiksita sur lampfosto. – Unu el la serio ”Ilmestys” (’Aperaĵo’) de Pekka Kauhanen. (Espoo, Finnlando)

Fervojo dormanta

01 Jul 2009 265
Iom post iom arbustoj kaj arbetoj kovras la fervojon ĉe la iama stacio Vääkiö en Suomussalmi. Ĉia trafiko estis finita en 2004 kaj la stacio estis formale malfondita en 2005, post preskaŭ 50-jara servado. – Oni ankoraŭ havas espereton, ke la fervojo iam ree funkcios, ekzemple por servi novajn minejojn en la regiono.

1123 items in total