fotis Cezar
Cezar
Perdita batalo
Se vortoj jam perfidi volas,
rigardoj nin ne plu kunligas.
Se frost' anime jam ekrolas,
nenio plu nin esperigas.
Se gestoj levas nur suspekton
kaj kapoj dube sin balancas,
se vokoj vekas nur neglekton,
afablo tute malavancas.
Se tre akriĝas la ridado
kaj mok' ekdraŝas kiel hajlo,
jen la malamo nin minacas
kaj tuta mondo ekgrimacas.
Se jen milito fineksplodas,
neniu plu al tiu spitas,
se hom' la homon ekmarodas,
jen la batal' pri am' perditas.
PS: http://www.cezarpoemoj.cezarpoezio.de/125.html
fotis Cezar
Inskribo sur tomboŝtono
SENFINAN
DEZIRAS
LA ARDA DEZIRO
NUR FINANTAN
KONCEDAS
LA MALLONGA VIVO
fotis kaj notis Cezar
Nikolao Kurzens
(1910 -1958)
Ĉu tio do - la vivo?
Ne, ne, ankoraŭ io devas veni.
Ankoraŭ devas fajri vera tago,
ankoraŭ devas nigri nigra nokto -
ne povas ja de grizo ĉio pleni.
Cu vere nur por nin al tombo treni,
ĉu vere nur por morti ni naskiĝis?
Ĉu tio do - la viv'? Ne, ne! Neeble!
Ankoraŭ devas, devas io veni!
(1934)
Help & Contact|Club news|About ipernity|History|ipernity Club & Prices|Guide of good conduct Donate|Group guidelines|Privacy policy|Terms of use|Statutes|In memoria
