Vincent sur sledo

fotis kaj skanis Cezar

Cezar

Sledveturoj kun la nepo


Vincent sur sledo
Vincent sur sledo


Sledveturo, sledveturo,
kia ĝojo kaj plezuro,
dume nia sledo kuras
kaj glacie glitsusuras.

Valen, valen, en la spuro,
poste rea suprenkuro.
Mi kun mia nep' konkuras,
kiu plej rapide kuras.


Vincent kuras
Vincent kuras

Vere, kia ĝoj', plezuro,
estas tia sledveturo!
Dum la sledo glitsusuras,
mia nepo ĝojonuras.

Sledveturo pro plezuro
estas kvazaŭ aventuro.
Nigraj arboj jen obskuras
dum nin flokofal' konturas.

Sledveturo, sledveturo,
kia ĝojo kaj plezuro.
Plian fojon ni rekuras,
sur la neĝo apudspuras.