Theophile Cart - karikaturo

Teofilo Cart.Li savis Esperanton en tre decida momento, en la IDO-krizo. De li estas la fama diro: "Ni fosu nian sulkon". Mi tre ŝatas tiun veran fidelan kavalieron kun la konduto de aŭdaca leono, kiu ne volis translasi Esperanton al manpleno da arogantaj lingvistoj, li fidis pri la forto de la E-popolo - kaj li pravis.... kaj tial li pravas ankaŭ pri tio, ke la unua kriterio de lingvo ne estas ĝia akademia perfekteco, sed ĝia ŝatateco en certa lingvokomunumo. Esperanto en sia nuna formo eble vere ne estas tute perfekta, sed ĝi estas ege ŝatata de la esperantistoj, tio pli gravas ol la "gruntado" de iuj eburoturaj profesoroj, kiuj pensas, ke la mondo ĝuste ilin bezonas, por ke el Esperanto fine fariĝu vera lingvo. Mi certas, ke lingvon kreas kaj elformas ne unuopulo, sed tuta popolo, eĉ Esperanto ne estis komplete kreita de Zamenhof, sed laŭ lia propra eldiro nur iniciita de li.