Cezar: Jen, rigardu, la suno! / Cezar: La ŝajnblindulo, poemo

Cezar
La ŝajnblindulo

Jam longe iris la blindulo
kun akompano laŭ postulo.
Esperas ĉiu pri bonfart',
eĉ ŝajnblindul' de l' trompa art'.

Ŝajnigis li, ke li blindiĝas,
ĉar invalida stat' prestiĝas.
Subtenis lin la grumbla ŝtat',
ĝis disrompiĝis la beat'.

Kontrolvideo lin observis,
dum li trafike vigle vervis.
Li iris tute sen baston'
sen akompan' tra aŭtozon'.