Arirang: Beginn / Komenciĝo 

Mi vidas, ke la bildon de la ĉielo kreas homoj, tenantaj diverskolorajn ŝildetojn, sed kiel oni kreas la lumantajn literojn? Mi ne bone povas vidi tion, eĉ se mi rigardas la originalan grandon de la foto.

Kiujn literojn vi celas? La trisilaban titolon 아리랑? Aŭ la literojn super la ĉielo?

La kreado de la bildoj okazis diversmaniere: foje per lazero, foje per kulisoj (tiuj montoj en la malfono estas kulisoj, kiel en teatro) kaj per ŝildetoj. Tiu lasta eblo havis denove du diversajn manierojn: foje oni vidis la kapojn, foje tute ne, ĉar ŝajne la infanoj tenis ilin alie super la kapo. Mi kredas, ke la trisilaba "Arirang" estas kreita tiumaniere per blankegaj ŝildoj.

La trisilaban titolon. Ne eblas vidi blankegajn ŝildojn tie - sed eble estas kombino de ŝildoj kaj lasero. Ankaŭ la suno ŝajnas lumi simile - do eble per lasero.

Ĉu vere infanoj tenas la ŝildojn? Sur la fotoj de la preparado la homoj aspektis sufiĉe plenkreskaj.