12 - La Levigho De La Lun' 

Per sia longa instrumenta parto, ja U2-eca, mi sxategas tiun muzikero. Matene gxi donas al mi kuragxon en la trajno por laboriri. Vere.

Nur en tiu albumo (komparate kun "sed estas ne, ekz), la sono de la drumo estas iom tro "seka" aux cxea - domagxe laux mi.

La veran kvaliton de tiu kanto mi eltrovis nur post multaj jaroj. La komparo al U2 estas tute trafa.

Dankon pro la pozitivaj komentoj, knaboj! Pro ili mi ekkuraĝis efektive aŭskulti tiun kanton denove post tiom da jaroj. Ordinare mi apenaŭ iam ajn aŭskultas Persone-registraĵojn. Estas vere iom malfacile aŭskulti tion, kion oni mem kreis, ĉar oni aŭdas ĉiun etan eraron aŭ neperfektaĵon tre akre. Simple aŭskulti trankvile kaj "neŭtrale" estas apenaŭ fareble. Sed mi devas rekoni, ke pri "La leviĝo de la Lun'" ni sufiĉe bone trafis.

La afero pri U2-eco estas kredeble prava, sed mi ne povas tion bone prijuĝi, ĉar mi mem tre malmulte aŭskultis tiun grupon. Martin estis la vera fanatikulo pri U2. Mi konas nur tre supraĵe kelkajn el iliaj furoraĵoj, ĉar mi aŭdis ilin en radio k.s.

Ĉiuokaze pri "La Leviĝo" mi povas aldoni, ke ĝi estis unu el tiuj Persone-muzikaĵoj, kiuj estis plej amuzaj por ludi - laŭ mia memoro. Hodiaŭ mi ĝin tute ne povus ludi plu, ĉar mi ne tuŝis drumon de kiam ni ludis en KEF en Helsinko en 2000. Ok jaroj sen drumado... nekredeble...

Bertilo skribis: Ordinare mi apenaŭ iam ajn aŭskultas Persone-registraĵojn.

Ĉu ankaŭ neeldonitajn? Ĉar pri tiuj mi ege interesas. Fakte ankaŭ pri "62 minutoj" sed ankaŭ tiu albumo estas tre malfacile akirebla... Ĉu vi povas ion alŝuti al ipernity?