Vin logu for' (Mariusz Domaszewicz)

Kantas Mariusz Domaszewicz
Muziko de Robert Gliński
Polaj vortoj de Krzysztof Drynda
Esperanta traduko de Edward Wojtakowski
Aranĝo, programado, sonrealigo: Krzysztof Drynda http://www.krzysztofdrynda.com
Mastrado: JG MasterLab
Filmo kaj animado: Robert Juszczyk http://www.studiowizjer.com

Vin logu for'

1

Kunprenu vi
oldan vinon, gitaron ne pli.
Vin logu for',
nun forgesu pri via labor'.

2

For la deprim',
tutan mondon vi lasu sen tim'.
Forkuru nun
al la loko kun brilanta sun'.

3

Ventpelu vi,
amikar' invitas al feri'.
Eksonu kant',
vin atendas verdula la band'.

4

Varias cel',
tamen nia kun la verda stel'.
Rigardu for
senbedaŭre pri pasinta hor'.

5

Jen tie ĉi
ekmalstreĉu nun via konsci'.
Kaj for prudent'.
Ĉarmas ĝi, do daŭru la moment'.

6

Ĉe vitro-son'
kaj de l' ruĝa vino glasduon',
en amikar'
ĉiam pli belsonas la gitar'.