NEIDE KANTAS "Majorana" 

Belega voĉo! Mi gratulas vin. Kiam la koro malgajas, ni devas veni tien ĉi, kaj la ĝojo revenas al nia animo. Frate. David

Dankon, estimata David:
Viaj vortoj ĉiam kortuŝas min.
Baldaŭ mi sendos al vi mian DVD "Neide kantas".
Amike,
Neide

Kara Neide,
Mi tute konsentas kun la vortoj de David Blanketo.
Viaj kantoj estas balzamo por la animo!
Plej amike salutas vin,
Aminda

Estas ĉiam plezuro por mi legi viajn mesaĝojn, kiuj iras rekte al mia koro.
Dankon, karulino.

Tiu kiu volas kanti MAJORANA skribu al mi por ke mi sendu la tekston.
neidebarrosrego@terra.com.br

Gratulon, kara Neide!!!Tre bele vi kantas tiun famkonatan francan kanzonon! :-)

Estimataj:
Jen la teksto por tiu, kiu volas kanti:

MAJORANA

Tradukis Sylla Chaves
Kantas Neide Barros Rego

Per la gitaro, nekonat’
en la malklaro de la strat’,
kanzonis, kaj aliaj du
lin akompanis, kanzonante plu:
“Majorana, vi belulin’!
Majorana, floroj montras sin!
Mojorana, soldatis mi,
sed vin denove serĉas tie ĉi!”

Ŝi diris, ke atendos lin;
li diris, ke retrovos ŝin;
infan’ li estis je l’ forir’,
sed nun revenas jam plenaĝa vir’:
“Majorana, vi belulin’!
Majorana, mi ne trompis vin!
Majorana, soldatis mi,
kaj vin denove serĉas tie ĉi!”

Soldatis li dum jaroj dek,
kaj tiam iĝis ja ŝanĝeg’,
ŝanĝiĝis ĉio ... nur la sun’
en la ĉielo ŝajnas sama nun...
“Majorana, vi belulin’!
Majorana, floroj kaŝas sin!
Majorana, respondu, ĉu
perdita amo ne revenos plu!”

Kun la gitaro, nekonat’,
en la malklaro de la strat’,
foriris, kaj aliaj du
lin akompanis, kanzonante plu.
“Majorana, vi belulin’!
Majorana, mi ne trompis vin!
Majorana, soldatis mi,
kaj vin denove serĉas tie ĉi!”