Kio okazas?

Do jen venas por cxiu la tago finfina,
Jam sxvitas la homaro sub cxielo tro varma,
Odoras io en aero kiun cxiu sentas,
Kaj vekigxas la pratimo do pekantoj ekpentas.
Ek, ek! Vi levigxu sen protekt', restu vek',
Kalkulu gxis dek, vi ne zorgas pri malvenk', fek!
Vi ne zorgas pri malvenk'.
Super la senfina urbo etendigxas nigra nubo
De cxiu angulo ekaperas la profetoj
Koruse kantas kune ploras revelacion de la fino
Sed senbrue ombro venas pereo de destino.

En la profundo de l' hom'
Sopiras io al Di'
Sen zorgi pri mia nom'
Strebas al rezigno mi.

Ek al nova mondo en la koro estas fajro
Tra la cerbo blovas vento super civilizacio
Dum sekundo de silento ekkomprenas la homaro
Ke felicxon veran donas nur la harmonio
Ek! Vi bedauxru pri la pek'! Nek pardono
Nek savigxo nek cxielo estas for, Fek!
Jen kolapsas cxiu ordo, forpelita de senhalta ondo,
Cxirkaux mi la urbo falas
Konstruajxoj ruinigxas, fierego mortas.
Sur sxtonoj staras mi, elgorgxigxas plora kri'
Sed auxkultigxas gxi, min apogas mia Di'