Drag Queen - Kore

Veras ja, mi flugas for
Kiam eknoktas la dekor'
Salut' al tag' pro urĝa bezono
Beliĝu mia korpfason'

Veras ja, dum izoleco
Ne ridas la nokt' pri mia speco
Turmentas tiu helo de ĉiu tago
La nokto estas nura blago

Veras ja, jen la nokta reĝino
Aŭ taga reĝ' kun arda korinklino
Sin perdi en la korpo de ŝi
Ĉar daŭre logas la gracio; sed kia gracio?
Ĉu ina gracio?
Ĉu vira gracio?
Mia gracio?

Drag Queen sub via bela ŝminko
Virinas viro nur, sen konvinko
Drag Queen moviĝas ĝis anhelo
Podie dancas reĝa stelo

Veras ja, subhaŭtas la em'
Skulptiĝas dum nokt' mia mem'
Dum tag' ŝi vivas en korpo de li
Kiu dum nokt' estas fikcio

Veras ja, dum izoleco
Ne ridas mi pri ŝia speco
Jam scias ŝi neniam amis min
Nur skiz' de mia in-rafino

Drag Queen sub via bela ŝminko
Virinas viro nur, sen konvinko
Drag Queen moviĝas ĝis anhelo
Podie dancas reĝa stelo

Nokta reĝin' - aŭ taga reĝ': pasa ĝu'
Vesta fascino - sed via koro ardas plu
Sentiĝas bedaŭr' - ne vivi sen neglekto
Pri ĉi elekto, sen neglekto