prezento de Herzberg 

La filmeto prezentas Nicolai bazlernejon kaj la Esperanto-urbon Herzberg am Harz. Ĝi estis farita enkadre de la Comenius-projekto 2008-2010 inter lernejoj en Bar Hill, Britio, Miskolc, Hungario kaj Herzberg am Harz, Germanio. La partoprenantaj infanoj estis 6-10 jaraj, lernis ne nur Esperanton sed multon pri la vivo, kulturo, lingvo, vidindaĵoj de la partneraj urboj, landoj. Tiu ĉi prezentado de la lernejo, de la klasoj, de la lerneja vivo kaj la urbo estis komune farita de niaj junaj raportistoj el la projektgrupo kun helpo de la instruistoj Otto Kern, Zsófia Kóródy kaj redaktita de Tim Morley.
La filmo kun similaj sinprezentoj far la aliaj partnerlernejoj estis montrata al la gepatroj, instruistoj, invititaj gastoj dum la lasta kunveno de la projektpartneroj en aprilo 2010 en Herzberg am Harz.
Pli multajn informojn, bildojn, filmojn, gazetartikolojn, ktp. pri la projekto vi povas vidi ĉe
http://esperanto-urbo.de sub Comenius-projekto