Marco

Marco

Posted on 04/17/2017


Photo taken on April 17, 2017



Keywords

esperanto
katolikismo
Jesuo
Maggi
Spirito
vangelo
Savanto
kristana
Mesio
Patro
kristanismo
gospel
bibbia
evangelio
katolika
Dio
biblio
Sinjoro
Kristo
Majstro


Authorizations, license

Visible by: Everyone
All rights reserved

167 visits

Li leviĝis el la mortintoj, kaj jen Li iras antaŭ vi en Galileon

Li leviĝis el la mortintoj, kaj jen Li iras antaŭ vi en Galileon
Li leviĝis el la mortintoj, kaj jen Li iras antaŭ vi en Galileon

El la evangelio laŭ Mateo 28, 1-10
(Komento de Alberto Maggi, fratulo OSM)

PASKA DIMANĈO – 16a de aprilo 2017





Vi povas legi la tutan komenton pri la Evangelio ĉi tie:

www.studibiblici.it/ESPERANTO/Omelie/16042017.pdf


Neniu evangeliisto priskribas la releviĝon de Jesuo. La konata tradicia klasika bildo de triumfanta Kristo, kiu eliras el la tombo, ja ne apartenas al la evangelioj, sed al iu apokrifaĵo de la dua jarcento, nomata la evangelio de Petro. Sed ĉiuj evangeliistoj donas indikojn pri la maniero renkonti la vivantan Kriston. La sperto de releviĝinta Kristo, ja, ne estis privilegio konsentita antaŭ dumil jaroj al malgranda aro da homoj, sed ebleco por la kredantoj de ĉiuj tempoj.



La virinoj, taksataj la estuloj plej malproksimaj de Dio, en realo estas la plej proksimaj, ili plenumas la saman funkcion kiel la anĝeloj, “por sciigi al liaj disĉiploj. Kaj jen”, la esprimo indikas surprizon, “Jesuo renkontis ilin,”, kiam oni iras komuniki vivon, kiam oni iras anonci vivon, ĉiam la Sinjoro venas renkonte, por plifortigi, per sia ĉeesto, la anoncon, ”dirante”, ĉi tie la traduko estas “«Saluton!»”, en realo ĝi estas “ĝoju”, kial? Ĉe la fino de la beatecoj, en la lasta beateco, tiu de la persekutitoj, Jesuo estis dirinta: ĝoju ĉar granda estas via rekompenco en la ĉieloj. Jen kia estas tiu rekompenco: vivo nedetruebla, vivo kapabla superi la morton.

“Kaj alveninte, ili ekprenis liajn piedojn kaj adorkliniĝis al li.”, la piedoj indikas realan, fizikan renkonton, ne temas pri spirito, fantomo. Tio, ke estas dirite ke ili adoris Lin, signifas ke ili rekonas en Li la plenecon de la dia kondiĉo. “Tiam Jesuo diris al ili: Ne timu; iru, diru”, denove la rolo de la anĝeloj, “al miaj fratoj,”, por la unua fojo la disĉiploj estas nomataj fratoj de Jesuo, “ke ili foriru en Galileon,”, kaj, denove, la invito, “kaj tie ili min vidos.”. Kial en Galileo eblas vidi Jesuon? Ni vidos poste ke la disĉiploj iros en Galileon sur “la monton, kiun Jesuo estis dirinta al ili”. Sed Jesuo indikis neniun monton. Kiu estas tiu monto? Ĝi estas la monto de la beatecoj. Kiu estas do la mesaĝo de la evangeliisto? Se oni vivas, akceptante la beatecojn, manifestante en pleneco la bonan sciigon de Jesuo, eblas sperti, renkonti en sia vivo tiun, kiu estas la vivanto.


Plej amike kaj frate

Marco Menghini

#homiliojenEsperanto

Elbertinum has particularly liked this photo


Comments
Elbertinum
Elbertinum
Viaj fotoj kaj viaj vortoj estas bonegaj -
5 months ago.