Fireworks1-Piroteknikaĵoj 1 

Piroteknikaĵoj? Kia terura vorto! Mi preferas diri artfajro (trovebla en PIV), kaj tre ŝatas la japanan vorton: florfajro (Hanabi)

Ĉiu rajtas esprimi tion laŭvole...

Mia rimarko neniel rilatas al rajto....ĝi estas nur estetika.

Hmmm, vi kritikas mian estetikon, sed vi eĉ ne menciis ke mi erare literumis tute taŭgan vorton--dankon ĉiuokaze, mi denove kontrolis kaj korektis mian literumadon.

firework fajraĵo, piroteknikaĵo .

Tion skribis John Wells en sia Teach Yourself Esperanto Dictionary. Vi faru tion kion vi volas kun via estetiko, precipe ĉar mi jam aŭdis tiun vorton de aliaj homoj.

Kara David,
mi ne pretendas kritiki ies estetikon.. Mi nur menciis, ke piroteknikaĵo estas vorto malplaĉa al mi, kvankam ĝi troveblas en ĉiuj vortaroj.
Pri tiuj belaj fajraĵoj, kiujn ni admiris dek tagojn post vi, mi preferas paroli pri arto, artfajro, kiu ankaŭ troveblas en PIV, kaj aliaj vortaroj.
Krome, mi iam provis kreskigi pirarbon en la ĝardeno de nia familia kamparadomo, sed malsukcesis...mi ne lertas pri pirotekniko...

Ha, okej Tjeri, eble mi nun pli bone komprenas. Estas interese, ĉar ambaŭ vortoj, piro kaj pirotekniko, kun la samaj signifoj, ekzistas ankaŭ en la angla. Kaj ili literumiĝas tute alia unu el la alia angle. Mi nature sciis ambaŭ vortojn, sed ne unue rimarkis tiun problemon. Angle, piro estas "pear" kaj piroteknikaĵoj estas "pyrotechnics"-- tiu vorto angle estas iom teknika aŭ scienca vorto sed ne ĉiutaga. Mi pensas ke ĝi estas grekdevena.

Mi pardonpetas se mi miskomprenis vin.