Panoramo de la placo ĉirkaŭ monumento al Piłsudski. 

La panoramo montras la duan parton de bjalistoka foirplaco. Tiu ĉi, alie ol la "ĉefa" foirplaco antaŭ la urbodomo, ne estas uzata por amuziĝo kaj koncertoj, sed ĉefe por oficialaj festoj. Maldekstre staras malnova armilejo en kiu nun troviĝas la urba arĥivo; post ĝi estas iama malriĉula hospitalo, nun kinejo; dekstre troviĝas malnova katolika preĝejeto (la blanka) kaj alkonstruita al ĝi la 19-jarcenta katedralo. Centre staras flagomasto kaj la monumento al marŝalo Józef Piłsudski - la regajninto de pollanda sendependeco.

Kaj ekstreme dekstre staras malbelegaj lanternaĉoj, kiuj - post fino de konstruado de la urbocentra promenejo - espereble malaperos.