La persisto - Negro por la Viv'

El la insulo Maŭricio venas la grupo Negro por la Viv' [Negro pou la Vi], alportante la stilon regean al la muziko en Esperanto. Negro por la Viv' kantas pri amo, paco kaj respekto, ne nur inter personoj, sed ankaŭ inter popoloj kaj landoj. La eduka mesaĝo estas plia atuto de ĉi tiu ensemblo, kiu per sia danciga regeo ne lasas iun ajn senmove.

Se por la komunumo parolanta Esperanton la ensemblo Negro por la Viv' estas bonvena novaĵo en la muzika sektoro, en Afriko la grupo estas jam de multaj tempo konata kaj ŝatata. Negro por la Viv' jam lanĉis kvin albumojn, turneis en diversaj landoj kaj estis nomumitaj por la muzikpremio Kora, en Sudafriko.




Nomo: Negro por la Viv'

Urbo: Port-Luiso

Lando: Maŭricio

Kanzono: La persisto

Stilo: Regeo

Anoj: Soul T, Know Me, Lin, Ras Pat

Ĉefaj muzik-influoj: Gerard Louis, Kaya, Steve Wonder, Boys II Men, Tupac, Morgan Heritage, Baaba, Maal, Cheb Mami, Wyclef Jean

Regeo Esperante! Dankon!

Tre agrabla muziko !!!

Jes, vi pravas, sed, bedaŭrinde, la nelaŭregulaj akcentoj ĝenas iom por bone aŭskulti la tekston :) Ĉu ne?
Se vi deziras mi povas tie ĉi aldoni la esperantan tekston de la kanto. Ŝajnas, ke vi havis ĝin komputile.