Nuboj 

bonege farita, Manolo! gratulojn!!!!

Dankon Lode. Mi invitas vin eksperimenti, ĉar vi sendube havas la necesan ekiparon: tripiedon, alt-kapablan memorkarton kaj... paciencon.

Plej lukse, oni havu tiun aparaton, aŭto-pafilon (aŭ la fotilo mem enhavu ĝin), sed mi faris tute mane: mi metis la tripiedon apud la fenestro kun la fotilo kaj pafadis kun la prokrastilo (10 sekundoj) ĝis la memorkarto elĉerpiĝis (mi uzis 2GB-ajn, sed pafis per krud-formato, do mi povis fari nur 244 fotojn), entute unu horon da pacienca fotado.

Kromaj konsiloj: pafu kun mane aranĝita ekspono; lasu la aferon tiel ke ĝi estu iom subluma, por kompensi eblan estontan pli-intensigon de la lumo. Konsideru pafi JPG-e kaj kun malgranda rastrumpovo (la programo kiu faras la filmon reduktos la grandon al DVDa kvalito, do, 720 pikseloj) por elprofiti la spacon en la memorkarto. Se vi planas post-procesi, konfirmu ke via programo povas labori ope ("batch mode") aŭ vi enuiĝos.

dankon pro la konsiloj!
efektive, mi havas 3piedon, memorkarton, paciencon. malgrandigi la grandecon estas bona konsilo. mi uzas irfanview, kiu povas trakti multajn dosierojn sinsekve. mi provos, kiam la momento sin anoncas! (eble eĉ ne kun nuboj, mi vidos.)

Jen kelkaj ekzemploj por via inspiro:
www.vimeo.com/4186181
www.vimeo.com/4505537

Alia bona temo estas la malfermiĝo de floroj postnokte... nu, ekzercu la imagpovon ;-)

Ne malbone!

Dankon Lars!

Tre lertakaj pacienca laboro!

Dankon Laszlo!