Masto 

:-D

Je la kukolo, kio estas tiu malhela strio ekde la pinto rekte supren? Ĉu rekta vojo al la sepa ĉielo? Aŭ ĉu la masto, estante aŭtentika nubskrapulo, fakte skrapis nubojn kaj postrestis skrapita surfaco? Kio estiĝas, se oni skrapas nubon? Ĉu nubosplitoj aŭ ia raspaĵo nun kuŝas sur stratoj de la mast-urbo?

Tio estas ŝajn-efiko!

La sunlumo, kun suno ne tro alta, disspeguliĝas en la mikrogutetoj de la nebuleto (la angla vorto "scattering" bone priskribas la aferon). Sed en la regiono kie falas la ombro de la masto, estas malpli da respegulita lumo, do tiu striforma regiono aspektas pli malhela.

Pro perspektivo, la malhela areo ŝajnas fonti de sur la mastopinto!

Aŭ eble, kiel vi sugestis, la nubskrapulo ŝiris la teksaĵon de la ĉielo...

Vi skribas kiel vi skribus al fizikisto (nu, eble vi ne tro eraris), sed tio estas tro afereca por esti kredinda. Kun ĉia respekto al via teorio, mi plu vidos tie skrapitan ĉielon...

Vere ne! Se vi estus tie, vi estus kompreninta la aferon tute senpere, sen ia "afereca" klarigo ;-)

Sed vi pravas, ke la fantasta klarigo estas multe pli alloga... jen la magio de fotografio!

Mi ja estis tie. Ĉar la nuboj tiam troviĝis pli alte, ne atingeblaj al la mastego, la turopinto ne sukcesis eĉ tikli la nubojn.

Okaze de via vizito la nuboj riskis malsupreniĝi kaj la turo tuj kaptis la okazon skrapi ilin. Kia petolulo!

Kial mi ne povas vidi la bildon kiam mi alklakas ĝin!?

Pardonu, tio estis tute mia kulpo! Pro malatento la bildo restis “privata”, post kiam mi alŝutis ĝin (aparte de la aliaj fotoj Roterdamaj, nur kiel specialan kontribuon al ĉi tiun pintfizika diskuto). Nun ĝi estas publika, se sukcesis mia ipernita manovro tiucela

Dankon! Mi revizitos vian kolekton por trafi tiujn eble iam kaŝitajn.