Москва 20.8.1991 

Domaĝe ke mi komprenas la suoman tute neniom. Ĉu vi estis en Moskvo tiutempe?
Mi memoras ankoraŭ kiel min ŝokis tiuj novaĵoj dum biciklado tra Turkujo.

Mi tiam estis Moskva korespondanto de la finna gazeto Kansan Uutiset. La semajnon antaŭ la puĉo mi libertempis, kaj la unuan puĉotagon mi estis en Helsinko, vespere per nokta trajno veturis al Moskvo. Estis malmultaj pasaĝeroj. La postajn du tagojn mi estis en Moskvo.

Amuzetas, ke Elcina familinomo estas skribita sur la flago kun eraro (li ja estas Ельцин).

Efektive! Mi ne atentis pri tio. Ja ĝenerale preskaŭ neniam oni post Ц skribas Ы, kvankam ĝuste tiel oni prononcas. Ŝajne la flagon faris iu needukita homo en granda urĝo...
Kiam mi studis la rusan, mi lernis nur tri vortojn, en kiuj oni tiel skribas: цыган, цыц, на цыпочках. Sed cetere, tio ne ŝajnas ĉiam validi, kiam temas pri nomoj: Солженицын.

» цыган, цыц, на цыпочках

Ankaŭ цыплёнок kaj simildevenaj цыпа, цыпка.
Krome ĉiuj deklinaciaj aperoj de ы post ц ne ŝanĝas ĝin al и: огурцы, молодцы.
Eble, lige kun tio ankaŭ en familinomoj je -in post ц ofte estas skribata -ын (Солженицын, Наговицын, Курицын), kion eble oni haste skribis sur la flago en la tempo, kiam la vorto Jelcin ankoraŭ ne estis vidita milionfoje en skriba formo. :)
Do, ĉi-kaze eble temas ne pri nesufiĉa, sed pri troa edukiteco. :)))

Nu, jes. Pri trea aŭ troa edukiteco eble atestas ankaŭ la uzo de ё en Горбачёв...