Elektronika libro en Moskva metroo 

Unuafoje mi vidis iun legi elektronikajn librojn per specifa tiacela aparato. Estas multe da tiaj libroj en la rusa, kaj mi ĝis nun ne sciis, kiel ilin legi - printi aŭ legi en tekokomputilo estas ne tre oportune, sed ĉi tia aparateto ŝajnis tre taŭga. Post iom da pripenso mi anstataŭe decidis havigi la jenan aparaton, pro du kialoj. Unue, ĝi estas mendebla ene de EU (el Estonio), dum Sony ne estas oficiale vendata en EU, kaj do necesus mendi el Usono kaj riski doganpagon. Due, Sony ne komprenas la rusan sen neoficiala ĝisdatigo de la sistemo.