Paraboler på Rosengård 

Kio okazis al la loĝanto de la apartamento dekstre sube? Ĉu ni faru monkolekton, por ke li povu havi sian satelitan antenon?

Eble tie loĝas denaska svedo, por kiu sufiĉas la svedaj kaj danaj kanaloj, spekteblaj sen parabola anteno?

Eble tie loĝas saĝa homo kiu ne bezonas televidon, aŭ retpirato kiu elŝutadas ĉiujn filmojn interrete, aŭ amikema najbaro kiu spektas televidon ĉe sia najbaro...

... aŭ ĝi ne estas loĝata (en la stato de mastroŝanĝo aŭ luigo).

Estas eble bona ideo fari kablan televidon tie... Sed dependegas de deven-diverseco; supozeble homoj estas el tre diversaj landoj.

Kompreneble estas kabla televido tie. Sed la homoj kutimas voli vidi pli da kanaloj ol estas haveblaj per la kablo, kaj ne emas pagi - per parabola anteno oni ricevas amason da kanaloj senpage. Ankaŭ mi havas satelit-antenon, per ĝi mi ricevas plurajn rusiajn kaj ukrainiajn ktp kanalojn senpage, dum la sola rusa kanalo, kiun eblus ricevi tra nia kablotelevida liveranto, kostus pli ol 10 eŭrojn monate.

Ah, se tia diferenco, do mi komprenas tiujn, kiuj instalas la "telerojn". Kaj pri tiuj, kiuj instalas du-tri, mi povas nur diri: "evidente, havas multe da libera tempo"... :)

En la suburboj de Francio, precipe uzas parabolajn antenojn la muzulmanoj kiuj deziras ricevi la elsendaĵojn de Irano, Arabio, ... pro tio, ni ne tre ŝatas vidi tiajn lukazernojn kovritajn de parabolaj antenoj, ĉar tio signifas ke tie loĝas homoj kiuj subtenas obskurajn ideojn ...

Ĉu ĉiuj kiuj rigardas arablingvajn televidprogramojn kovas obskurajn ideojn, Daniel?

Fakte ne, vi pravas ... tamen, ŝajnas ke de kiam la parabolaj antenoj multobliĝas, la rilatoj iĝas pli kaj pli malfacilaj ... en mia suburbo, kiam okazas Ramadan-o, en la lernejo, la muzulmanaj knaboj ĵetas ŝtonoj kontraŭ la arabaj knabinoj kiuj manĝas ... tio ne estas progreso !!!!

Ŝajnas al mi ke Daniel faras salton en sia logiko. Estas nepre klare, ke en urbopartoj kun multaj parabolaj antenoj ankaŭ oftas diversaj sociaj problemoj. Tamen el tio tute ne sekvas, ke la problemojn kaŭzas la satelitaj elsendoj, kiujn spektas la loĝantoj.

Multe pli kredeblas, ke estas aliaj kaŭzoj, ekzemple la fakto, ke la loĝantoj diversmaniere estas ekster la socio, ne havas laboron, eble ne bone parolas la majoritatan lingvon. Se oni sin trovas en tia siatuacio, estas nature, ke oni volas spekti televidprogramojn, kiujn oni bone komprenas, kaj kie homoj similaj al oni mem ne estas priskribataj unuavice kiel problemo.

Oni ne povas solvi tiujn problemojn, malpermesante al homoj spekti televidon en sia propra lingvo, ĉar la kaŭzoj estas tute aliaj, multe pli profundaj.

Cetere, mi mem havas satelitan antenon, ofte spektas rusiajn televidprogramojn, kaj ne malofte ankaŭ la anglalingvan programon de Al-Jazira. Tiu lastemenciita estas nepre spektinda kaj multe pli vidinda ol ekzemple CNN. Komparebla kun BBC, sed kun iom pli tutmonda perspektivo. Ĵus mi vidis interesan raportaĵon pri la situacio de la opozicio en Azerbajĝano, ekzemple. Mi tamen ne kutimas ĵeti ŝtonojn kontraŭ knabinoj kiuj ne fastas, nek aŭdis pri tia ŝtonĵetado ie ajn en Svedio.

Ho, mi ne supozis ke tiuspeca bildo povas eki tiel gravan diskuton .))
Vidinte ĉi-ĉion kaj aŭdinte nomon Al-Jazira mi finfine decidiĝis malprivatigi iun eksan artikolon mian, pri kies utileco mi tute ne certas, jen ĝi: Cenzuro? Benazir Bhutto: "...Omar Sheikh, the man who murdered Osama bin Laden..." Verŝajne plejmulto de vi jam aŭdis pri tiu "afero". Mi klopodas fajfi pri ĉio, kion mi ne povas rekte influi aŭ bone pricertiĝi, tamen ne ĉiam tute sukcese.

Kara Kalle,

pri la kauzoj, vi pravas, estas ankau sociaj problemoj, ne nur, sed ili gravegas.

Mi-mem logxas en tia suburbo, laboras en la konstruado kiel multaj en nia kvartalo, kaj estas filo de enmigrintoj kaj patro de knaboj inter kiuj du edzigxis kun filinoj de enmigrintoj ... mi bone komprenas tion kion vi diras, kaj luktas por ke la aferoj sxangxu ...

Kompreneble, mi ne deziras ke oni malpermesu al ili spekti Al Djazira au la irana televido ... tio estus stulta, maljusta kaj ne-efika ...

Svedio ne estas Francio ... kaj niaj rilatoj kun la homoj el Maghrebio estas tre malsimplaj, cxar francoj tre malbone agis kiam ili posedis tiujn landojn ...
Tamen, ne nur gravas la ekonomia kaj la politika situacioj ... estas ankau kultura eksplodo far la rapida disvoligxo de ekstremaj formoj de islamo ...

Via foto gxuste malfermas debaton ... fotisto ankau devas esti tiu kiu montras la spurojn de la internaj sxangxoj de la socio ...

Amike, Daniel