This form is secure
Send a message
Search for members
This post is public
Aŭgusto kaj septembro 2008 por Esperanto en Bjalistoko estas verŝajne du la plej sukcesoplenaj monatoj de la jaro. Bjalistoka urbestraro, kunlabore kun tutpollanda gazeto Gazeta Wyborcza, lanĉis kaj pagis grandan kampanjon informan pri la plej valora ideoheredaĵo de nia urbo, pri Esperanto, sub la titolo: "En Bjalistoko Esperanto kunligas...".
|
| Esperanto - la mondo sen limoj |
DUE: Al Gazeta Wyborcza estis aldonita, kompilita de mi, vortareto esperanta. La grandeco ne permesis tute elĉerpi la temon, do mi metis tien nur la plej gravajn vortojn kaj parolturnojn.
Esperantaĵoj en la tendo
TRIE: Dum la tuta aŭgusto sur bjalistoka foirplaco staris la tendo pri toleremo. Tie prezentis sin ĉiutage po unu organizaĵo kiu prezentis kaj pridiskutis la temon - toleremo - laŭ sia vidpunkto. Fine de monato la tendon okupis esperantistoj, kiuj prezentis la Esperanto-kulturon, voligis partopreni kursojn de la lingvo kiuj baldaŭ startos en pluraj lokoj, invitis enskribi en kajero kion laŭ oni signifas toleremo, kaj por volontuloj proponis helpi dum la venontjara UK. Mi trovis tiam tre pozitivan reagon de la vizitantoj, kaj multaj volis eklerni Esperanton.
Tendo de toleremo
Kromajn fotojn vi trovos en la galerio de Bjalistoka Esperanto-Societo.
KVARE kaj plej grave: La 10-an de septembro kun tutpollanda eldono de Gazeta Wyborcza oni ricevis donacon - multmedian lumdiskon preparitan de E@I, kiu estas samtempe virtuala vojaĝo tra Bjalistoko kaj Esperanto-movado, kaj kurso de la lingvo kun ludoj, kantoj, filmoj ktp. La projekton pagis bjalistoka urbodomo, kiu en ĝi trovas bonan manieron reklami la urbon. Persone mi volas danki al Peter Balazs kaj ĉiuj volontuloj kiuj kontribuis en la projekto. Pli precize pri ĝia enhavo skribis en sia blogo Esperantino.
Nun ni atendu fruktojn de tia dissemado de la ideo - kaj baldaŭ aperos sekvaj novaĵoj pri tio. Espereble en aliaj urboj kaj landoj oni sekvos bjalistokan ekzemplon.
Onagrino (Dominique)--- (*)pro says:
Mi uzos ilin en la budo kiun mi zorgos fine de la monato en la "Fête de l'écologie" de Nanclars
www.lasauceverte.org
Mi esperas, ke la klopodoj kun Gazeta Wyborcza efikos.
Ĝis!!!
César Dorneles says:
Arno Lagrangepro says:
Arno Lagrange edited this comment 14 months ago.
Przemysław Wierzbowski replies:
Onagrino (Dominique)--- (*)pro says:
MI kaptas la okazon por demandi, ĉu eblos ricevi antaŭ la kongreso, informilojn pri esperanto en la pola lingvo?
Mi rimarkis, dum la 4 aŭ 5 lastaj UK, ke kutime, kiam oni ekparolas kun enlandanoj, oni ne disponas pri malpezaj, malmultekostaj informiloj. Kompreneble, en Bialystok mi supozas ke pro la bonega preparo multaj homoj scios, kio okazas.
Sed por veni al la kongresa urbo, la esperantistoj (krom tiuj kiuj alflugos) trairos Pollandon kaj aliaj landoj. Estus utila havi informilojn. Mi komencis verki malneton en la esperanta. Se iuj esperantistoj deziros helpi min...
Fernando Maia Jr. says:
Se ni sendos leterojn esperantlingve al la urbestraro, en kiuj ni prezentos nian volon koni Bjalistokon ktp., ĉu ili komprenos aŭ havos la rimedon kompreni?
Brakumon!
Valdi (Elbik) says:
Victoria Magna says:
Elma do Nascimento, el Rio de Janeiro, RJ, BR.
Luiz Alberto De Oliveira Coelho says:
luiz, brazilo
Celso Tinta says:
Mi pensas ke multaj entuziasme sin dediĉos post tiu ĉi iniciateco!
Onagrino (Dominique)--- (*)pro says:
Ĉu aliaj reagoj (ekzemple diskutoj en forumoj, ktp...)????
Przemysław Wierzbowski replies:
Mi havas krome unu ideon pri debato. Mi rilatiĝis lastatempe kun pola politika diskutrondo "Krytyka Polityczna" (la politika kritiko), iom maldekstrema grupo invitanta al la renkontiĝoj famajn verkistojn, politikistojn, diplomatojn, ĵurnalistoj ktp. Ĝi havas sian sekcion ankaŭ en Bjalistoko, kaj ĉe ni organizis i.a. akran debaton pri la estonteco de maldekstraj partioj en Pollando kaj pri heredaĵo post batalantoj dum ribelo en bjalistoka getto. Interesus fari iun publikan debaton kun elstaraj lingvistoj, politikistoj, ankaŭ tiuj el Esperantujo, k.a. personoj per sia nomo substrekantaj gravecon de la temo - la estonteco de universala lingvo aŭ maniero solvi la problemon de internacia komunikado. Tiaj aferoj kiel justeco de komunikado kaj egaleco inter la popoloj estas gravaj en tiu medio, kaj ni jam neformale parolis pri tio. Valoras antaŭ la UK en Bjalistoko paroli kun homoj pri la senco de Esperanto kaj esperantismo en la moderna mondo.
Przemysław Wierzbowski edited this comment 14 months ago.
Mamie Jo Boc says:
Kara juna amiko mi tutkore subtenos vin eĉ se bedaùrinde mi tute ne povos partopreni la UK n.
Tutkore via Josee
Przemysław Wierzbowski replies:
Onagrino (Dominique)--- (*)pro says:
Mi tre gxojus, se iun tagon, ni vidus Orban trudita debati kun Poloj, kiuj evidentigus lian malhonestecon! Tamen, la evoluo venos el tute malsama loko... ;-)