Afiŝo de la 10aj BZT
Bjalistoka Esperanto-Societo kaj la Centro Ludoviko Zamenhof elkore invitas al Bjalistoko, la naskiĝurbo de la iniciatinto de Esperanto, por kune festi la 150-an naskiĝdatrevenon de li.

Jen la programo de la aranĝo:

11.12.2009 vendredo

► 16.15 – teatraĵo en la Centro Ludoviko Zamenhof ĉe la str. Warszawska 19: "Mistero de la Renaskiĝo"
► 18.00 en la Universitata Biblioteko ĉe la str. M.C. Skłodowskiej 14:
- diskonigo de Esperanta eldono de la dulingva antologio de Esperantaj kaj podlaĥiaj verkistoj,
- renkontiĝo kun infanoj – la verkintoj de ilustraĵoj por Esperanta versio de "Reĝo Maĉjo la 1-a"; Tomasz Chmielik rakontos pri preparoj por eldono de Esperanta versio de "Reĝo Maĉjo en senhoma insulo",
- prezento de junuloj el la toruna "Studio P".



12.12.2009 sabato en la Centro Ludoviko Zamenhof, la str. Warszawska 19

► 10.00 - 11.00 - prelego pri Zamenhof "Ĉio komenciĝis ĉe la Verda" – Zbigniew Romaniuk,
► 11.00 - 12.15 - moderna klezmera muziko – Tomasz Chmielik; instruo de ĥasida danco – Ala Grabowska el la bando Chanajki Klezmer Band,
► 12.20 - Roman Dobrzyński transdonos sian libron "La Zamenhof-Strato" en 13 lingvaj versioj al la funkcionta Esperanta biblioteko,
► 13.00 - 13.30 - tradicioj en juda familio, ligitaj kun naskiĝo de infano (filo) – Ewa Wroczyńska, emerita direktorino de la Muzeo en Tykocin,
► 13.30 -14.00 - vizito en la konstanta ekspozicio "Bjalistoko de juna Zamenhof" kaj tagmanĝa paŭzo - manĝado en la Centro Ludoviko Zamenhof,
► 14.15 - flormetado ĉe la monumento al Zamenhof ĉe la str. Malmeda; trumpeto-koncerto de membro de la Muziklernejo,
► 15.00 - katolika meso en Esperanto en la Blanka Preĝejo apud la Katedralo,
► 16.00 - naskiĝfesto kun festokuko, teo kaj kafo en la kafejo Fama – la str. Legionowa 5. En la kulturprogramo de la evento estos inter alie:
- prezento de infanoj el la 52-a Infanĝardeno,
- la teatraĵo "Bjalistoka Babelturo" - la dua parto, prezentita de infanoj kaj gejunuloj el la Junulara Kulturdomo en Bjalistoko,
- prezento de junuloj el la toruna "Studio P" – prezento de la poemoj "Somero" kaj "Ikaro",
- recitaleto de la lernantinoj de la Muziklernejo: Kasia Choroszucha kaj Ola Malinowska.



13.12.2009 dimanĉo

Ekskurso "laŭ la itinero de laborema formiko" – pikniko en bieno en Surażkowo (fermita programero, la forveturo estos ĉ. la 10-a horo ĉe la str. Piękna 3)



14.12.2009 lundo en la Esperanto-klubejo ĉe la str. Piękna 3

► 10.00 - 12.00 - metiejo de judaj eltondaĵoj – gvidas Kasia Kulik el la Societo de Amikoj de la Juda Kulturo,
► 12.00 - 15.00 - laboros la kurtonda stacio. Postkongresa ekspozicio de la QSL-kartoj,
► 15.00 - 17.00 - ludoj kaj distraĵoj – gvidas la franca volontulo Christophe Chazarein,
► 17.00 - 20.00 - prezento de Esperanto-temaj filmoj de Roman Dobrzyński.



15.12.2009 mardo

► 12.00 - prezento de la dramo "Toleremo kaj ĝentileco" en la bazlernejo n-ro 51,
► 12.00 - "La Espero" - Esperanto-himno el la urbodoma turo,
► 12.00 – multmedia fotoprezento pri la Universala Kongreso en Esperanto Cafe,
► aldonaĵo al Gazeta Wyborcza "Dum 80 tagoj ĉirkaŭ la mondo, kaj ĉie estas Zamenhof kaj Esperanto",
► konkurso por legantoj de Gazeta Wyborcza sub la titolo "La 15-an de decembro 1859 en Bjalistoko...".