This form is secure
Send a message
Search for members
This post is public
Laŭ la tradicia diro, „13” devas esti malfeliĉa nombro: kaj tio tuŝis ankaŭ nian televidon :) Niaj aparatoj ribelis, kaj tial la 13-a parto de nia televido estas spektebla iom pli malfrue. Pardonu!
En la programo de ITVC.pl vi vidos du diversajn urbojn:
Unue, ni gastis en Tykocin (Tyktin, Tikotin), tre malnova podlaĥia urbeto kun bele konservita domaro, kie okazis tradicia, juda festo de kabanoj – Sukot. Ni vizitis ankaŭ hebrean preĝejon kaj ekspozicion pri judaj grafikaĵoj.
La dua parto temas pri 100-jariĝo de la Esperanto-movado en pola ĉefurbo Varsovio, kiun ni iom hazarde partoprenis. La heredaĵo de la pioniroj vivas, kaj ni esperu, ke Esperanto varsovia kreskos.
Bonvenon al la programo, komentoj, kontribuoj!
Mi intertempe ne skribis ĉi tie pri la 12-a parto, en kiu vi spektos la venontjaran ejon por Internacia Infana Kongreseto en Supraśl.
Ludoviko Klaŭdio (Luiz Claudio) says:
Belega, tre bone farita! Mi kunsentas (kun tiu sinjoro parolanta pri via 15-a programo, kiun mi iam vidos), via elparolado (prononco) estas tre bona, rapida kaj komprenebla. Mi ĉiam maltrankviliĝas pri tio, ke ni devas bone elparoli ĉiujn vokalojn kaj konsonantojn, ĉiujn finaĵojn, kaj plej eble perfekte. Ĉar nia lingvo kalkulas je ĉiujn sonojn por esti bone komprenata. Tamen, oni devas ankaŭ klopodi iom rapidigi, por esti fluaj, sed ne tro.
Kaj la ulo en la kamerao meritas ankaŭ laŭdojn! Kaj la ceteraj partoprenantoj de la laborgrupo!
Kaj la lingvo estis simpla, riĉa kaj tuj komprenebla. Mi nur ankoraŭ ne bone komprenas la polajn nomojn, tamen mi daŭre klopodas!
Gratulojn!
(Certe vi jam ricevis multajn laŭdojn por viaj programoj, tamen, ĉar vi iom timis pri la numero 13, do mi pensis, ke mi devus esprimi mian ravecon pri mia unua vido ĝuste en la 13-a elsendo)
A. Fabián Jiménez says:
lamondo says: