Lluís's blog/

Mi ĵus spektis la dokumentalon "Hugo Chávez. La revolución no será televisada.".

En ĝi oni tre klare montras kio okazis dum la 2002a puĉo kontraŭ Chávez. Kaj multon klarigas pri la privataj amaskomunikiloj kiuj tiom atakas la prezidenton. Ĉio kun intervjuoj kaj rektaj paroloj al kamerao fare de la travivantoj, aŭ per rektaj registraĵoj de la amaskomunikiloj; preskaŭ sen eksplika fona voĉo.

Mi plu miras, kion travivis kaj travivas la Venezŭelanoj.

Mi decidis aĉeti FM-sendilon por mia hejmo. Mi havas porteblajn FM-ricevilojn, sed ĝenerale mi volas ĉiam aŭskulti MP3ojn. Plej ofte min interesas sondokumentaloj, sed ankaŭ muzikon ne popularan mi ŝatus aŭdi de tempo al tempo.

Do jen, mi decidis elspezi 9€ (kun sendokostoj) tra e-bay por aĉeti tiun ĉi fm-sendilon, ŝajne farita de ekspluataj ĉinoj, ĉar tion (mi esperas) sendos iu de Honkongo. Mi neniom povas kompreni tiun koston.

Mi aĉetus pli multekoste, se mi certus ke ĝin produktis ne ekspluataj homoj. Sed verdire, mi povas aĉeti similan FM-sendilon en Katalunio pli koste, kaj ŝajne ĝi venos de samkondiĉa fabriko.