↑Vinilkosmo "Esperanto-Muzik-Prod."'s blog

La 12 an de julio ekde la 12a horo tage ĝis 12a horo nokte okazos:

KEFeto stafeto

en Kopenhago.

la adreso estas:

Børnekulturstedet
Lyrskovsgade 4, kld.
engang i porten på Enghavevej ved siden af VEGA
(enirejo en la pordego en Englandsvej apud VEGA (VEGA estas granda koncertejo)


La programo :

12-13:30a horo: 2  metiejoj - muzika metiejo / skriba metiejo
14-15a horo: 2 metiojoj  -  muzik kaj korba metiejo /  skriba metiejo
15 - 17a horo: ludoj sur la herbejo interalie hejmfutbalo ktp.
17-19a horo manĝopaŭzo
19-24a horo koncertoj de La Perdita Generacio, Inicialoj D.C., Espo Despo kaj Esperanto de Luxe (membroj de Hotel Desperado + gastoj)

Prezo por la tuta programo 50 kr / 7 euroj

Aliĝu ĉe www.kef.saluton.dk

La ideo de KEFeto stafeto estas ke ĝi portu KEF 9 al 2009 (nun kiam ni devis malanonci ĝin por 2008)

KEF 9 okazos en Helsingør / Elsinoro ekde la 6a julio ĝis 12a julio.

Pri tranoktado:
eblas tranokti en la ejo inter la 11an kaj la 12an + 12an kaj la 13 an de julio. kunportu dormsakojn.

Ĉar ni tranoktas en la sama ejo kie la aranĝo okazas ne esperu dormi frue la 12an ;-)
eblas tranokti ĉe esperantoparolantoj
eblas tranokti en migrulhejmo

Skribu viajn dezirojn en la kadro: komentoj

Amike
La KEF teamo

La fama argentina muzikisto/kantisto Alejandro Cossavella (La Porkoj  kaj Strika Tango) venos en Eŭropo dank’al la invito de ARKONES en Pollando (19 – 22 sept), li partoprenos la Malferman tago en UEA-Centra Oficejo, la Kataluna Kongreso en Sabadell (6-7-8 decembr.) kaj IS en Germanio.

Ni profitas lian restadon en Eŭropo por organizi preleg/koncert-turneon en Benelukso en novembro kaj en Francio en decembro 2008.

 Ĉu vi pretus akcepti Alejandro-n  en via urbo por prelego/koncerto (en Benelukso kaj Francio) ?.

 Pri la artisto : Alejandro Cossavella venas el suda parto de Argentino el la urbo Bariloche. Li estas multfaceta kaj talenta artisto kiu ludas gitaron, komponas, verkas kaj kantas siajn proprajn kantojn..

En  1998 lia kanto Ĉe Montpellier estis premiita de UEA kaj samjare li kantis ĝin premiere en la Internacia vespero en Montpellier okaze de UK antaŭ 3000 kongresanoj.

Alejandro ludas en la bariloĉa rokbando la Porkoj kaj eldonas la diskon ŝako en 1999 kadre de Kolekto 2000 eldonita de Vinilkosmo.

En 2001 li vojaĝas tra Brazilo kaj renkontas la muzikiston Flavio Fonseca kaj ili kune laboras pri Bosanova projekto eldonita de BEL “ Tom Jobim en esperanto”.

En 2004 Alejandro lanĉis kune kun Vinilkosmo la novan projekton “Strika Tango” kun aliaj muzikistoj laŭ tute alia stilo pli ekzotika kun ritmoj regeaj, kaj sudamerikaj kun bosanova kaj salsa influoj... en tiu disko ankau aperas la premiita titolo Ĉe Montpellier.

Por tiu Eŭropa turneo Alejandro enstudiiĝis de nove kaj preparis novajn titolojn por disko kun stiloj diversaj de tango al skao kaj kanzono, tra regeo.

Lia TTTejo Alejandro Cossavella malkovrigos al vi la artiston ...

Liaj diskoj estas disponeblaj ĉe Vinilkosmo : www.vinilkosmo.com

 La preleg/spektaklo : Alejandro prezentos al vi argentinaĵojn kaj siajn muzikon kaj kantojn kiuj ravos kaj ensorĉos vin ...

 La Celoj de la turneo organizita de EUROKKA ! :

-         Krei eblecojn por disvastigi esperanton pere de la kulturo.

-         Krei vivon kiu ligas la grupojn, esperanto-klubojn ekster  la kongresoj.

-         Prezenti esperanton al publiko pere de kvalita spektaklo.

-         Disvastigi la ideon pri paco en la mondo kaj fratecon pere de etoso de varmeca spektaklo

-         Montri al ne esperanta publiko ke la esperanto-mondo mem generas kulturan vivon

-         Doni la eblecon al la esperanto-organizantoj akcepti kvalitajn artistojn internaciajn  en sia urbo.

La datoj :  proponitaj datoj kaj urboj  (kontaktu nin )

Teknikaj bezonoj :  Alejandro Cossavella bezonas sonsistemon  kun 2 mikrofonoj por voĉo kaj gitaro kaj ankaŭ KD aparaton. Antaŭvidi scenejan lumon por reliefigi la spektaklon …

Por etaj kluboj kun malmulte da publiko (20 personoj maksimume) li povos elturniĝi sen sonsistemo.

 Preparoj de la turneo :

Ni deziras scii kiuj estas (principe) interesitaj, antaŭ la 30-a de julio.

  Por kontakti nin :

EUROKKA

 "Esperanto-Muzik-Asocio"

FR-31450 Donneville

Francio/ Okcitanio

retadreso : eurokka ĉe esperanto.org

retejo : artista.ikso.net/eurokka

 Bonvolu ankaŭ sendi kopion de viaj korespondaĵoj al nia kunlaboranto rcash ĉe free.fr

Filmeto realigita de Kim

(Dua parto) Esperanto-ARTISTOJ en IPERNITIO / Artistes sur Ipernity / Artists in Ipernity / Artistas en Ipernity

Esperanto-artistoj solaj aŭ en muzikbandoj :

• Anna Burenius   el Lund , Svedio, gitarludas kaj kantas en La Perdita Generacio
• Azaŭak   gotika bando el Normandio, Francio
• Fundu Mikatukidi (Preso Neno)   de la muzikbando Vigla Muziko el Kinŝaso, Kongo.
• Inicialoj DC   (Eric Languillat) el Frankfurto, Germanio / Initials DC)
• ĴomArt   el duopo Ĵomart & Nataŝa el Stockholm, Svedio
• Kaj Tiel Plu  popolmuzika bando el Barcelono, Katalunio
• Karin Nordström  el Hernusando, Svedio, ludas kontrabason, ritmilojn kaj kantas en  La Perdita Generacio,
• Tarcisio Lima  el Fortalezo, Brazilo, kantisto, muzikisto kaj komponisto. 

Esperanto-muzikistoj :

• Birke   flutistino, ludas kun Bertilo Wennergren el Persone
• Marwine Van der Molen   kantistino el Nederlando, koruskantis en ARKORDO ĝis antaŭ du jaroj
• Miguel Gutierrez Aduriz  muzikisto kaj verkisto el Hispanio
•  
• Ale Kosabela   (Alejandro Cossavella) el Argentino malfermis paĝon en Ipernity
• Krio de Morto   metalindustria hardkora bando el Poznano, Pollando ankaŭ malfermis sian paĝon en Ipernity

Cetere ni invitas ĉiujn muzikistojn kaj artistojn kiuj ankoraŭ ne faris,  aliĝi tuj la grupon MUZIKO    kaj ankaŭ al la Artista Datenbazo

Ankaŭ ni invitas ĉiujn artistojn kaj esperanto-muzikŝatantojn aliĝi (senpage) al EUROKKA por subteni ĝian muzikagadon.

Kaj kompreneble por akiri la diskojn de la artistoj vi povas rekte ilin mendi ĉe www.vinilkosmo.com

Plukompilis por vi Flo (Floréal Martorell)

Respondeculo de EUROKKA kaj direktoro de Vinilkosmo

Nia ĉi semajna elekto 4 !

Notre sélection de la semaine 4 !

Nuestra seleccion de la semana 4 !

 ĉe www.myspace.com/vinilkosmo

La 6 unuaj elektitaj muzikoj ĉi semajne en nia myspace paĝo estas metalaj, eksperimenta, gotika kaj folkprogresiva muzikoj de japana, pola, franca kaj, Italaj bandoj :

- La japana eksperimenta akustikelektronika artisto Zemankova  el la urbo Kumamoto kun la esperanto-kanto "Pluvo" 

- La  milana progresiva folk-bando Rêverie el Italio kun la esperanto-kanto "Kiam alvenos la fino" kun la kunlaboro de Anĉjo Fontana.

 - La  poznana metalkora bando Krio de Morto el Pollando kun la esperanto-kanto " Mi staras" ankaŭ en videofilmeto aperonta en la nova KD projekto en esperanto.

- La normandia gotika bando Azaŭak el Francio kun la esperanto-kanto "Gotŝajna" ankaŭ en videofilmeto.

 - La  mondovia metala bando  ANIMAE VECTOR  el Italio kun la esperanto-kanto " Nigraj kandeloj dancas " aperinta en la demo-KD "Akerono" okaze de IJK.

- La mondovia metala bando ATREIDES el Italio kun la esperanto-kanto "Ŝanĝo Alvenos" aperinta ven la demo-Kd "Venĝo" okaze de IJK.

Vizitu ilin ĉiujn en nia ĉefamikaro (in Top friends) ĉe www.myspace.com/vinilkosmo la 6 unuaj (alklaku la bildojn)