This form is secure
Send a message
Search for members
This post is public
La nova disko de La Perdita Generacio jam disponeblas !
La nova albumo de La Perdita Generacio "Elsplodigos vian domon" ĵus eldonita de Vinilkosmo / GKF jam disponeblas en la retejo de vinilkosmo.com
La disko estos prezentita okaze de koncertoj de La Perdita generacio premiere en Svedio (Hernusando) en ORo (Oranĝa Renkontiĝo) la 5an de septembro kaj sekve en la internacia festivalo ARKONES 19-21 de septembro 2008 en Poznan (Pollando); nepre venu al unu el la du renkontiĝoj (aŭ al ambaŭ) tie por ne maltrafi la eventon !
kaj ĉi-titolo aŭskulteblas ankaŭ en la ludlisto
" Eksplodigos vian domon "
réf : VKKD 92-031
La Perdita Generacio
La Perdita Generacio, konsistas el naŭ grupanoj, kvar muzikistoj kaj pluraj helpantoj. Per belaj melodioj, ludemaj tekstoj pri gravaj temoj kaj tenera etoso La Perdita Generacio disvastiĝis tra la mondo, tiu ĉi nova Kodisko daŭrigas kaj profundigas tiun koncepton.
Foje rapide kaj ironie, foje ĝentile kaj pensige LPG evoluas sian unikan sonadon ĉe la limo inter mondmuziko, popo kaj kanzonoj. La muziko ŝajnas kapteme simpla, sed post pli profunda esploro oni rimarkas ĝian multetaĝecon. Ĉu iam ekzistis ŝlagereca kanto kun pli da akordoj ol amokanto?
Kelkaj tekstoj senkaŝe kritikas la modernan socion el verdula vidpunkto, sed pli ofte la poemoj estas tre personaj kaj la plej profunda radikaleco preskaŭ malvideblas unuavide. Ke fenomenoj ne normalas, nur kutimas ŝajne estas revenanta temo sur la disko.
La Perdita Generacio malofte propagandas, sed lasas al la aŭskultanto la elekton aŭ asroni sur tegmento dum helreveno aŭ daŭre meti kapon en la sablo.
Pluraj el la 13 kantoj de ĉi-disko potenciale iĝos famkonataj en Esperantio kaj eĉ transe. Do, kuraĝu sidiĝi apud la fajro kamena kaj kuŝiĝi sub fortepiano en Kiev' kun La Perdita Generacio. Certe vi ne restos netuŝita kiam ili eksplodigos vian domon.
La muzika kerno de la bando estas geografie centrita en Hernusando en norda Svedio kun Tomas Q Nilsson (voĉo, gitaro, klarneto, ktp), Anna Burenius (voĉo, gitaro kaj piano), Karin Nordström (voĉo, kontrabaso, perkutiloj, ktp), Robin Rönnlund (voĉo, akordiono, fluto, ktp) kaj KarinMalin Ekström (voĉo, melodiko, rano, ktp).
Aldone kiel kromtrakoj en la KD, karaokeemuloj trovos la 13 titolojn en MP3. Por aŭskulti fragmenton aŭ rekte mendi : vinilkosmo.com
Disvastigenda informo....!!!
Mirna Marino says:
Sukceson! ;-)
dormomusopro says:
Mi volas ĝin.
(la diskon)
:-)
Ĝis
Vinilkosmo "Esperanto-Muzik-Prod."pro says:
ekzemple la 28an de septembro dum Randovales en Labège ĉu ?
Ĝis !
Flo !
Vinilkosmo "Esperanto-Muzik-Prod." edited this comment 14 months ago.
Przemysław Wierzbowski says:
La Pafklik- Hiphopa kompilo pretas ! http://bit.ly/hhk_vol1 says:
Onagrino (Dominique)--- (*)pro says:
Vinilkosmo "Esperanto-Muzik-Prod."pro replies:
sed se vi volas diskon mi povas rezervi unu por vi kaj kiam vi venos al tuluzo vi kontaktu min kaj ni renkontiĝos ;-)
ĝis
Kise
Flo !