Saluton karaj!
Mi petas al Junuloj malpli ol 29 jaraĝaj kaj membroj de TEJO aliĝi senkoste al EUROKKA kaj helpi ĝin daŭre esti Faka-asocio de TEJO. ;-)

Aliaj malpli junaj estas ankaŭ bonvenegaj !

EUROKKA (Esperanto-Universala-Rok-Organizo, Kolektiva Komunik-Asocio) estas Esperanto-rokmuzika asocio bazita en Donneville, ĉirkaŭurbo de Tuluzo, sude de Francio (Okcitanio). Se vi ne konas ĝin aŭ volas scii pli, b.v. vizitu: http://artista.ikso.net/eurokka/index.php

Inter pluraj avantaĝoj, kiel EUROKKA-membro vi estos informita pri la plej freŝaj muzikaj novaĵoj, alproksimiĝos al la Esperanto-kulturo kaj ĝiaj artistoj, komunikiĝos kun aliaj muzikŝatantoj kaj havos eblon aktivi kaj helpi al disvolvigo kaj disvastigo de E-muziko en kaj ekster Esperantio.

Aliĝantoj de EUROKKA tiel havus

  • la informleteron de Vinilkosmo
  • la retan version de Rok-gazet' kiam gxi funkcios
  • antaŭrigardon de muzikklipoj
  • eventualajn surprizajn rabatoj ofertitaj de Vinilkosmo (sed sur la paĝo de EUROKKA kaj ne tiu de Vinilkosmo)

Se vi ankoraŭ ne estas membro, tiam vi povas ĉi-tie aliĝi : artista.ikso.net/eurokka/membro/login.php

Aŭ Vi simple sendu retpoŝton kun la teksto "Jes, mi volas membriĝi al EUROKKA !" kaj la sekvaj informoj (ĉiuj bezonatas) al eurokka@ikso.net:

  • Nomo:
  • Adreso:
  • Poŝtkodo:
  • Urbo:
  • Lando:
  • Retadreso:
  • Naskiĝdato:
  • Ĉu membro de TEJO:

Plej amike
Rogener Pavinski

(ĝis nuna komitatano A por EUROKKA en TEJO)