ĉapelo4 Nur antaŭ kelkaj jaroj perkomputile tajpi ĉapelitajn literojn (en esperanta, litova, latva, ĉeĥa k.t.p) ŝajnis tiom grandega problemo ke en la reto abundis proponoj pri reformado ne nur esperanta, sed ankaŭ naciaj alfabetoj.  Por inventemaj (reformemaj) esperantistoj la sugesto de La Fundamento  anstataŭigi la ĉapelon per h ŝajnis tro simpla afero. Tial oni proponis aliaj surogataj sistemoj aŭ substituaj alfabetoj, kiel X-sistemo, Nova Helpalfabeto (NHA), Universala Alfabeto, SEFOSAS, supersigna sistemo kaj pli ekzotikaj pola, rusa, angla kaj eĉ ĉina sistemoj. Mi mem jam kelkaj jaroj senprobleme tajpas ĉapelitajn literojn helpe de programeto EK kaj nur retpoŝte iam uzas x-sistemon pro tio ke kelkaj korespondantoj neniel kapablas agordi siajn retpoŝtilojn por Unikodo. Unikoda sistemo, programeto EK kaj UBUNTU okazis pli bonaj solvoj ol proponoj de reformemuloj.

Tamen mi komprenas, ke problemo restas en retkafejoj, librejoj aŭ aliaj publikaj lokoj, kie ne eblas instali EK aŭ iel alie agordi komputilon por "ĉapelado". Estas interese kiel vi solvas la problemon. Ĉu nur per iu surogata sistemo aŭ estas pli eleganta solvo?