Mi vizitis gubernian muzeon en mia urbo Kumamoto. Kiel vi scias, ĉi jare estas 100jariĝo de enmigrintaj niponanoj en Brazilon! Kelkaj festoj okazis aŭ -as. Mi vidis tre belan kaj grandan ĝardenon en Sao Jose dos Campos per helpo de mia granda amiko Sergio. Mia amikino bone sciis pri mia brazila vojaĝo kaj mi interesiĝas pri Brazilo. Do ŝi donacis al mi la bileton de la ekspozicio de "Pentristoj de nipondevenaj brazilanoj laŭ 100jariĝo" kaj mi iris tien. Unu nomiĝas Manabu MABE, kiu devenas el mia urbo. Leonardo FUJITA, Tadashi KAMINAGAI, Tomoo HANDA, Yoshiya TAHAOKA, JUĵi TAMAKI, Massao OKINAKA, Flavio-Shiro TANAKA, Tomoe OHTAKE, Aeturo KUBOTA, Bin KONDO, Fumi TAGIKU, Hisao SAKAKIBARA, Inez SHIBATA, Kazuo WAKABAYASHI, Ken'ichi HIROTA, Ken-ichi KANEKO, Mitsutaka KOGURE, Miyako HARADA, Sachiko KOSHIKOKU, Tomoshige KUSUNO, Yoshiyuki MIURA, Yukio SUZUKI, Yutaka TOYOTA ktp (Aliaj estas multaj, sed ili naskiĝas en Brazilo!) Eble almenaŭ 40 brazilaj pentristoj, kiuj havas niponajn sangojn. Prezidento Lula skribis saluton per la portugala por gratuli la ekspozicion kaj ĝi estas tradukita per la nipona. Kaj kelkaj rilataj personoj skrbis gratulajn mesaĝojn por la ekspozicio! Mi estas tre ĝoja por ke mi povis viziti la ekspozicion.

Nipono rilatas al kelkaj landoj, al Ĉinio, Koreio, Lepĉio, Nederlando, Portugalio kaj ja Brazilo! Mi kore deziras, ke tiu granda amikeco daŭru inter Nipono kaj Brazilo kaj per Esperanto ni povu kontakti kun brazilaniĝitaj nipondevenuloj sen muro de lingvo, sed per Iingvo Internacia Esperanto!

Mi kore dankas al la organizantoj kaj la pentristoj, el kiuj kelkaj jam forpasis, sed ili restigis historiojn per pentraĵoj! Grandan dankon al ili kaj brazilanoj! Mi esperas, ke mi povos rerigardi iliajn pentraĵojn!