PREĜO de ANĜELO

Homoj, teraj gefratoj,

aŭskultu mian vokon:

sendu disfloran ĝojon

al unu ĉielloko,

kie en maltrankvilo

daŭras mia amiko,

plena de atendeco,

doktoro Ludoviko.

Certigu Lin finfine,

ke vivis Li ne vane:

ke frazojn verde-vortajn

jam uzas eĉ infanoj.

Vespere avoj flustras

al nepoj, ridetante:

- Imagu, iam oni

ne konis Esperanton.

Halina Kuropatnicka-Salamon - la poetino loĝanta en Wrocław (Vroclavo), Pollando.