[Kaliningrado, Ruslando] "Parolas Kaliningrado! Saluton!" -- per chi tiuj vortoj en Esperanto komencighas artikolo "Okno v mir" (Fenestro al la mondo) en la hodiaua eldono de la tagjhurnalo "Kaliningradskaja pravda".

En chi tiu artikolo (subtitolita "Kaliningradaj esperantistoj venis en la ret-radion") kaliningrada jhurnalistino Irina Klimovich klarigas, kio estas podkastado, kaj poste interparolas kun Halina Gorecka pri la kaliningrada Esperanto-podkasto. La legantoj ekscias pri la kreskanta populareco de la retaj sonprogramoj, pri la podkasto de "La Ondo de Esperanto", kiu havas auskultantojn en kvindeko da landoj, pri la temoj de chi tiu podkasto. Halina respondas, interalie, ke alilandaj podauskultantoj precipe shatas tradukojn de Chehhov, kiuj estas vochlegataj en chiu literatura programero.

La artikolon, kiu aperis je la Tago de Kultur-aganto, garnas foto de Halina Gorecka antau la mikrofono en la redakcio de "La Ondo de Esperanto" (fotis Aleksej Korjhenkov).

Probable, en la nuna Ruslando "Kaliningradskaja pravda" estas la regiona jhurnalo plej regule kaj objektive informanta pri Esperanto danke al Irina Klimovich, kiu pasint-jare ricevis honordiplomon de Kaliningrada Regiona Unuigho Esperantista (pli frue chi tiun diplomon ricevis Edward Kozyra, Povilas Jegorovas kaj Jaroslaw Czubinski).

La sonprogramoj de "La Ondo" estas auskulteblaj che
http://la-ondo.rpod.ru/

Oni povas aboni la podkastojn:
http://la-ondo.rpod.ru/rss.xml