Rodrigo Alberto Ramirez's blog

Saluton al cxiuj. Mi resendas gravan kaj fierigan mesagxon, kiun mi ricevis el la kolombia duskutlisto, de nia kara Profesoro, lingvisto, verkisto kaj amiko LUIS JORGE SANTOS MORALES. Fecha: Sun, 6 Apr 2008 Asunto: [eo-kolombio] Zharick León lernas Esperanton ........ GEAMIKOJ : Jes, kredu min! Sxi mem, Zharick León, nia fama kaj superbelega aktorino kaj modelino, profitante sian gravedecon kaj sekvante konsilon de Spirita Majstro eklernis Esperanton en Januaro. Sxi jam studis la unuan libron "Esperanto, un idioma para hacer amigos" kaj parton de "Ni parolu Esperanton flue kaj nature" kaj ecx komencis legi ekzempleron de "Karlo" de Edmond Privat. Jes, tiu fascinanta belulino estas fascinata de Esperanto. Sxi diras, ke Esperanto estas multe pli mirinda ol sxi iam imagis. Mi konfesu, ke mi sentas vere honorata pro tio, ke sxi petis min ke mi instruu nian lingvon al sxi. Mi ecx pensis, ke temas pri trompsxerco, kiam Martin Karpan, sxia argentina fiancxo, telefone diris al mi Zharick tre, tre, tre, tre interesigxas pri Esperanto. Kompreneble, ke cxi-momente mi kalkulas je sxia permeso cxi-tion sciigi al vi cxiuj. Mi diru al vi, ke Zharick estas ne nur perfekte bela virino, sed treege inteligenta kaj spirite tre disvolvigxinta homa estulo. Tiom da perfekteco cxe unu sola persono ja sxajnas nekredebla, tamen sxi estas inter ni kaj estas el karno kaj ostoj. Cxi-jare, pro la baldawa naskigxo de la bebo, sxi ne akompanos nin cxe nia Ibagea Kongreso, sed espereble, venontjare cxe la Centjarigxo de Esperanto en Kolombio, sxi ja estos kun ni kaj vi tiam povos konstati ke mi diras al vi la puran veron. Sxia bebo, kiun sxi nomos Luciano, naskigxos post du monatoj, kaj sxi esperas ke li ankaw estos fervora Esperantisto. Gxuste cxi-semajne en la Numero 502 de la Revuo Aló (Revista Aló) estas artikolo pri sxi ilustrata per belegaj fotoj sxiaj (en la hodiawa numero de El Tiempo trovigxas granda reklamo gxuste pri tiu Numero). Fiere via, Luis Jorge Santos-Morales PN: Pri la aktorino www.colarte.com/colarte/conspintores.asp?idartista=13716

!!ALVOKO POR LA KOLOMBIA KRESTOMATIO !! Se vi havas, en via persona kolekto,Bultenojn / tekstojn / verkojn / Sonbendojn / Filmojn kiuj eble indas por la Kolombia Krestomatio, bonvole anoncu tion, per mesagho al Rodrigo RAMIREZ : rodrigor100@yahoo.com TEMO: KOLOMBIA KRESTOMATIO.

Saluton al cxiuj ESPERNATISTOJ kaj AMIKOJ!!!. Mi estas RODRIGO RAMIREZ Z., kuracisto Mi eklernis esperanton en 1985, kaj eniris en la movadon dum la jaro 1992 partoprenante en la organizo de pluraj Kolombiaj Esperanto-tagoj. Reprezentis al la kolombia esperantistaro kiel Prezidanto kaj organizanto de la "KVARA TUTAMERIKA KONGRESO DE ESPERANTO 1999"(TAKE-99). Mi proponis organizon de la kolombia movado en "PROJEKTO NULO" kaj proponis difini "LA TRAJTOJN DE KOMPETENTA ESPERANRTISTO" oficiale prezentita en TAKE-99 dum la Inauxgura Parolado. [[www.geocities.com/andajondoj/jul99/PKBOLETIN.htm ]] Mi lideras projekton por kolekti materialon de / kaj pri esperanto far de kolombiaj esperantistoj, nomata "KOLOMBIA KRESTOMATIO: Jubilea projekto, trovebla en la sube menciita blogo. rodrigo-kolombiakrestomatio.blogspot.com Mi aligxis al cxi tiu listo por prezenti la projekton, kaj varbi kunlaborantojn por sukcesigi la ideon, kaj ankaux por ricevi informojn rilate la disvolvigxo de la movado en Ameriko. Viajn proponojn kaj sugestojn estas bonvenaj. Amike via, D-ro Rodrigo RAMIREZ Z.