Riŝo's blog/

Antaŭ kvardek jaroj okazis en Francio ribelo de la studentoj kontraŭ la aŭtoritata sociordo postmilita stampita de la gaŭlismo. La reago de la nacia ĝendarmaro estis severe perforta. Tio kondukis al ĝenerala striko de la laboristaro en la tuta lando.

Tiu ĉi studo estis prononcita de la aŭtoro kiel prelego dum la 28a kongreso de SAT-Amikaro en Laŭsanne, la 23an de aprilo 1973. La dekseppaĝa enkonduko en la temon povas interesi ankaŭ la nuntempan leganton.

En 1994 estis preta Tekste kaj Pretekste. Kolektitaj verkoj de Henri Vatré. Bedaŭrinde ĝi ne povis aperi, laŭdire pro manko de intereso ĉe la hodiaŭa legantaro. Tamen la verkaro de la aŭtoro de Specimene meritus publikigon.

Übersetzung eines Ostschweizer Dialogs

Post la rifuzo franca kaj nederlanda de la Traktato por Eŭropa Konstitucio kaj la irlanda rifuzo de la Lisbona Traktato eble utilus pristudi historiajn faktojn rilate estiĝon de iamaj konstituciaj traktatoj, ĉar fakte la nuna situacio forte similas al historiaj eventoj.

Malkonsento pri forigo de preskribo rilate kukumojn

La prezidento de Aŭstrio Heinz Fischer proponas finan popolan voĉdonon post la ratifoj de la eŭropunia konstitucio en la naciaj parlamentoj .

La teologo Hans Küng, aŭtoro de la furorlibro Ĉu Dio ekzistas?, kritikas la karikaturan aliron al la religio de Richard Dawkins.

(Laŭ intervjuo en Le Temps, Ĝenevo 19-04-2008, p. 3.)

La movado de la Novaj Ateistoj forte atakas la monoteismojn. The God Delusion estas furora libro de la brita biologo Richard Dawkins kaj nun aperis en franca traduko.

(Laŭ artikolo aperinta en Le Temps, Ĝenevo 19-04-2008, p. 3.)

Bapto per subakvigo en fontano aŭ rivero (germane "Gautschen")* estas ankoraŭ hodiaŭ tradicia kutimo en preseja medio, dum kiu metilernanto post sukcesa trapaso de la fina ekzameno ricevas la «absolvon» de siaj profesiaj «pekoj» fare de pli aĝaj kaj spertaj kolegoj. Pri la bapto atestas liberiga letero en formo de arte presita dokumento. La kutimo ekzistas ek de la 16a jarcento ĉefe en germanlingvaj regionoj.

La pensia asekuro havas deficiton pro la demografia evoluo. Nuntempe homoj vivas pli longe kaj ofte senlaboriĝas antaŭ la pensiula aĝo kaj junuloj alvenas pli malfrue en la labormerkaton pro pli longaj studoj. Ekestas do pli grandaj elspezoj kaj malpli grandaj enspezoj de kotizoj por la pensia asekuro. Tial okazis reformoj en pluraj landoj.

La slavisto Felix Philipp Ingold estis atestanto pri la okazaĵoj en la jaro 1968 kiel juna stipendiulo de la tiama ĉeĥa verkista asocio kaj kiel ĵurnalisto li raportis pri la literatura vivo de 1967 ĝis 1975 por diversaj svisgermanaj gazetoj. En la biblioteko Vadiana en St.Gallen ĵus okazis ekspozicio pri lia valora kolekto Bohemica II dediĉita al la ĉeĥa literaturo kaj la libroj de bibliofilo de tiu ĉi epoko.

La centjariĝo de la morto de Jules Verne (1828-1905) estis markita per abundaj laboraĵoj kaj artikoloj pri la aŭtoro kaj lia verko. Ŝajne ĉio estis dirita pri la temo. Kion novan aŭ nepublikigitan oni povus malkovri? [1]

Oni havas la impreson ke la grandpotencoj militludas kun kaŭkazaj popoloj kvazaŭ kun peonoj sur ŝaktabulo por certigi siajn strategiajn poziciojn kaj influzonojn. Kiel ĉiam la civiluloj estas la ĉefaj viktimoj de ĉi tiu aĉa ludo. Aliflanke oni povis konstati ke la naciisma viruso daŭre estas reaktivebla kaj ke la ŝtatistoj sciis efike utiligi ĝin por iliaj celoj ankaŭ en ĉi tiu konflikto.

Tre malofta geologia fenomeno kaj eksterordinara fervojlinio, ambaŭ en la svisaj Alpoj, estis akceptitaj la 7-an de julio 2008 en la listo de la Monda Heredaĵo de Unesko.

En Svisio la asekuro pri invalideco (AI) estas ligita al la asekuro pri aĝuloj kaj postvivantoj (AAP) kaj estas deviga por ĉiu enloĝanto. La asekuro pri invalideco havis en la lastaj jaroj ĉiam pli grandan deficiton. La kaŭzoj de ĉi tiu deficito estas diversaj. Unuflanke la nombro de la invalidoj pro psikaj handikapoj pligrandiĝis – certe ankaŭ pro la ĉiam pli streĉaj laborkondiĉoj –, aliflanke la entreprenoj dungis malpli da partatempe laborantaj handikapuloj. Ili senigis sin de maljunaj laboristoj kiuj fine ricevis pension de invalido anstataŭ de senlaborulo.

Marius Paulet (1891-1976), segisto el La Roche-de-Rame (departemento Altaj Alpoj en la sudo de Francio) mobiliziĝis la 1-an de aŭgusto 1914 kaj estis sendita al la orienta fronto.

Eltiraĵo el «Kompendio pri la nacia ekonomio» de Kurt Tucholsky, kiu aperis en la jaro 1931, tempo de la plej grava ekonomia krizo de la 20a jarcento.

http://eo.wikipedia.org/wiki/Kurt_Tucholsky