This form is secure
Send a message
Search for members
This post is public
La prezidento de Aŭstrio Heinz Fischer proponas finan popolan voĉdonon post la ratifoj de la eŭropunia konstitucio en la naciaj parlamentoj .
Post la irlanda neo de la Lisbona Traktato, la Eŭropa Unio daŭre ne estas decidopova rilate konstitucion. La prezidento de Aŭstrio Heinz Fischer (eo.wikipedia.org/wiki/Heinz_Fischer, iama juristo pri konstitucia juro) proponis por tiaj gravaj decidoj kiel akcepto de konstitucio samtempan popolan voĉdonon en ĉiuj membroŝtatoj post la ratifoj en la naciaj kaj la EU-parlamentoj. Aŭstrio mem havas demokratian sistemon reprezentan kaj okazis nur du popolaj voĉdonoj, la unua pri la planita atomenergia centralo Zwentendorf kaj la dua pri la membriĝo de Aŭstrio al EU. Fischer tamen estas sufiĉe realisma kaj li ne antaŭvidas la realiĝon de sia propono en proksima estonto.
(Fonto : radiointervjuo en la germana (pri EU je 15:00 minutoj) :
www.drs.ch/lib/player/radio.php?audiourl=rtsp://audio.drs.ch/drs1/tagesgespraech/tagesgespraech_200806251400.mp3&sg=10000031&sh=10038388)
Gerardopro says:
Riŝo says:
Kiam Aŭstrio intencis aliĝi al EU same okazis fina popola voĉdono. Tiam la popolista dekstrulo Haider estis en la zenito de sia influo. Tamen du trionoj de la civitanoj akceptis la multe pridiskutitan aliĝon de Aŭstrio al EU. Per la aliĝo ĝi forlasis la ĝistiaman neŭtralecon.
Por la Lisbona traktato okazis diskuto, ĉu gravaj decidoj rilate EU-aferojn laŭ la konstitucio de Aŭstrio devus esti voĉdonataj de la civitanoj. Plimulto de la konsultitaj specialistoj pri konstitucia juro neis tion kaj la Lisbona traktato fine trapasis nur voĉdonon en la parlamento.
Ĉi tiu sperto verŝajne influis la pripensojn de Fischer. Por la nuna situacio ne estas certe ke popola voĉdono je tuteŭropa nivelo fiaskus. Sendube la nuna EU havas demokratiajn deficitojn, sed oni ne kredu ke oni devas atendi ian idealan konstitucion ĉar neniam ĝi povos plaĉi al ĉiuj. Se ĝi estus akceptita per la parlamentoj kaj la popoloj kun kvalifikita plimulto (75%) tio ja sufiĉus. Sed la nuntempa tubero estas ke decidoj en EU necesigas unuanimecon kaj por ŝanĝi tion ankaŭ necesas unuanimeco : preskaŭ senelira problemo ! La laboroj de la eŭropaj parlamentanoj dum multaj jaroj estis lukto por trovi kompromisojn inter la diferencaj aspiroj de la diversaj popoloj. Ne estas pruvite ke konstitucio malaprobita de franca*, nederlanda kaj irlanda referendumoj estus same malfavore taksata dum samtempa popola voĉdono en la tuta EU.
* Vidu ankaŭ : www.satesperanto.org/Referendumo-en-Francio-pri-Eŭropa.html
Riŝo edited this comment 17 months ago.