Reza's blog/

Am

sen

reklam

Miaj geamikoj kontaktas min kaj deziras ekscii mian opinion pri la baldaŭa prezidentelekta balotado. Oni ofte miras kial mi ne intencas partopreni. Mi vicigas miajn kialojn sed verŝajne ili ne sufiĉas ...

Hieraŭ okazis balotado en Irano. Granda plimulto partoprenis en la balotado sed preskaŭ la plej multo de la partoprenintoj estis trompitaj.

De Mana Nejestani (Neyestani)

la fino de balotado en irano

Irana registaro faris renverson kotraŭ sia popolo. La balotadon oni fraŭdis kaj nomumis laŭ la kordeziro de Ajatollaho Ĥamenei tiun kiun li preferas s-ro Ahmadineĵad. Sed Ahmadineĵad estis forte rifuzita de la granda plimulto. Nun sur la stratoj de ĉiuj grandaj urboj tra la lando la popolo manifestacias kontraŭ la registaro. Multaj homoj estis kaptitaj flanke de la polico kaj miloj da homoj nun en prizono estas kelkaj estis mortigitaj kaj miloj estis/as vunditaj. Estas mia deziro ke ekstera mondo ne rekonu la falsan rezulton de la hontinda balotado kiun faris la registaro. Ĉiuj liberaj homoj tra la mondo nun taskas subteni la iranan popolo kaj ilian en pace elektitan kandidaton al prezidenteco s-ro Mir Hosejn Musavi. Nun la interreto paneas tra la lando kaj nur iomete funkcias retpoŝta servo do mi kaptas la okazon kaj petas vin informigi la aliajn pri la aktualaj aferoj en mia lando. Atenton: Pro teknikaj kialoj nun al mi ne eblas respondi al viaj komentoj, pardonon!

1- Ekde la 10an de junio ne eblas sendi kaj ricevi SMSon tra la lando.

2- Tre malbone funkcias poŝtelefono tra la lando

3- Interreto paneas kaj tre malrapide eblas retumi.

4- Ne funkcias Yahoo-mesaĝilo (pli ol 90% de iranaj retuzantoj uzas tiun retmesaĝilon)

5- Nur eblas retmesaĝi sed ne ĉiam glate tiu servo funkcias.

6- Je la nokto de la 14a Irana polico "invadis" la studentaran loĝejon de Tehran Universitato kaj laŭ la fidindaj novaĵfontoj pli ol 7 studentoj estas jam mortigitaj, pli ol 180 kaptitaj kaj multaj jam vunditaj.

http://www.roozonline.com/persian/cartoon/cartoon-item/article/2009/june/17//-0a1612625e.html

De: Nik Ahang Kowsar

puĉo en irano

Polico kiu rompas la vitron de la parkitaj aŭtoj. Vere kiu estas holigano?

Dum la lastaj tagoj nokte tiaj homoj faras aĉaĵojn tra la lando.

Polico kiu rompas la vitron de…

Laŭ la raporto de la organizaĵo Homrajta aktivaro de Irano ĝis hodiaŭ 32 homoj tra la lando estas mortigitaj dum la protestado.

Jen specialj fotoj de la Libera Rdio

http://www.flickr.com/photos/fhashemi/sets/72157619758530748/show/

http://www.flickr.com/photos/fhashemi

kaj tiel oni pafis al la manifestantoj:

http://www.radiofarda.com/content/f35_After_Elections_Pics_I/1753506.html

1- Ekde la 15a oni okazigas "silentan manifestacion" sur la ĉefstratoj de Tehrano kaj la aliaj urboj tra la lando. Tiuj manifestacioj estas sen ajna slogano, oni silente marŝas sur la stratoj kaj levas la manojn montrante venkosignon. Dum noktoj je la 22a horo sur la tegmentoj oni krias kaj ripetas la sloganon "Allaho Akbar" (Allaho estas la plej granda). Oni povas konsideri la la registaro jam pli kaj pli perdas sin memfidon. Dum la pasintaj 30 jaroj (post la revolucio) neniam tiom da popoloj protestis kontraŭ la registaro. Tio kio estas tre studinda estas konduto de la protestantoj. Oni nenion kontraŭleĝon faras, simple silente sur stratoj proteste marŝas kaj malgraŭ policoj kiuj perforte kaj intence minacas la homojn oni ridas al ili kaj neniel reagas atakeme al ili kaj ĝuste pro tia konduto jam la polico ne plu aperas sur la stratoj (mi parolas pri Tehrano kaj pri la aliaj urboj mi ne havas konkretan informon). Je la 15a la polico komence intenci kontraŭi ajnan manifestacion ĉar oni ne havis "permesilo"n manifestacii sed rimarkante la oceanon de la homaro polico malaperis de la publiko.

1- Vendredo la 18a de junio Ajatollaho Ĥamenei prelegis al la publiko kaj denove aprobis la balotadon minacante la protestantojn. Do,la lastaj esperoj por ajna ŝanĝo je la rezultoj malaperis. Li diris ke oni devas obei la leĝaron kaj se iu kandidato protestas sin turnu al "Dieto de la konstitucio"(DdK)kiu juste(!?)la balotadon observis. menciindas ke "DdK" konsistas el 5 juristoj kiujn prezentas la estro de jurpotenco al la parlamento kaj post la aprobo de la parlamento ili aniĝas al "DdK" kaj 5 mullaoj kiujn la gvidanto (Ali Ĥamenei) mem elektas kaj ili rekte eniras al "DdK". "DdK" estas respondeca pri la okazigo de la balotado en irano ĉu pri parlamento, prezidentelektado ktp. "DdK" jartas rezigni aŭ aprobi la kompetentecon de ĉiuj kandidatoj kaj nur post la aprobo de "DdK" okazos la balotado. Se iu protestos pri la balotado ĝuste "DdK" prijuĝos la aferon. Kiel oni povas kompreni "DdK" estas organizanto, observanto kaj prijuĝanto de la balotado en Irano kaj "DdK" nur respondecas al la gvidanto - Ali Ĥamenei - kaj al iu ajn. Laŭ tiu maniero neniu ekster la sistemo sukcesos iĝi kandidato al ajna elektado en irano kaj la opozicio neniam havos ŝancon eniri ajnan balotadon en irano ĉar "DdK" simple ne aprobos ties kompetentecon...

Vian buŝon oni flaras pro timo ke vi eble diris "Mi amas vin

Oni arestas ĉiujn sociajn aktivulojn: la estroj de diversaj partioj, ĵurnalistoj, aktivuloj de studenta movado, aktivuloj de la virina movado, aktivuloj de la laborista movado, sendependaj sociaj aktivistoj, memstaraj profesoroj de la universitatoj kaj ... La registaro supozas ke arestante tiajn homojn kapablos kontroli "la agitantojn". La registaro supozas ke "la malamikoj" tra tiuj personoj efektivigas siajn planojn en la lando kaj ke estas plano de la malamikoj ke la balotado estas riproĉa(!?). Nun oni ne scias kio estas sorto de la arestitoj kaj kiel oni "karesas" ilin en la arestejo kaj kaptejoj ... Ĝis nun pli ol 500 famaj vizaĝoj kaj miloj da simplaj civitanoj estas arestitaj.

islam-faŝistoj

Nun pli facile oni povas paroli pri la puĉo en Irano. Fakte la fraŭdo kiun oni faris vendrede je la 12a de junio estis enkonduka fazo de puĉo kiun estris s-ro Ali Ĥamenei -la gvidanto de islama revolucio- kontraŭ la respubliko. Oni povas konkludi ke je la 19a de junio 2009 jam estis fino de islama respubliko de irano kaj komenciĝo de "islama regado de irano". Nun s-ro Ĥamenei forĵetante la voĉon de la irana popolo decidas la aferojn laŭ sia emo kaj prezidentigas sian favorulon kaj ne tiun kiun la plimulto "elektis".

Estu akompananta kara / Estu akompananta kara

Ne restu sola en doloro/ ĉar tiu ĉi komuna doloro

Neniam dise/ kuraciĝas

vivpremo / neniam al ni

vivpremo / neniam al ni

Sen komuna batalo / faciliĝos

Ne restu sola en doloro/ akompaniĝu kara

Estu akompananta / Estu akompananta

Estu akompananta kara

Estu akompananta kara

Ne restu sola en doloro/ ĉar tiu ĉi komuna doloro

Neniam dise / kuraciĝos

Parviz Meŝkatian

Aŭskultu la kanton ĉi tie: http://www.harmonytalk.com/music/razm.mp3

Neda Agha-Soltan

http://en.wikipedia.org/wiki/Neda_(Iranian_protester)

Ŝia nomo estis Neda

Plene da vivo

Havis revojn

Estis Irananino

Voĉdonis

Sed ŝia voĉo estis rabita

Sur la stratoj priserĉis la perditan balotilon

Kaj hazarde kuglo estis ŝia respondo

...

Multaj aliaj simile al Neda nun tra Irano serĉas siajn kvotoj da vivo en teritorio kies nomo estas Irano

Neda Soltani

Ĉu la lasta rigardo de Neda al Irana ĉielo pli bonan tempon anoncas?

Ŝi estis 27 jara kaj plenviva

Revojn havis en sia kapo, amojn havis en sia koro

Estis ŝia kulpo demandi pri sia voĉo

Strange Neda signifas "Voĉo" ...

Jen kortuŝa momento (se vi havas kormalsanon bv NE spektu la filmon)

http://www.youtube.com/watch?v=K67fFhgn_CA

kial / why / چرا

Estimataj

Dum psintaj 2 tagoj ne eblis al mi skribi.Mi fartas ankoraŭ bone. Baldaŭ mi publikigos raporton.

1- Hieraŭ je la 16a la protestantoj al la hontinda balotado manifestaciis ĉe la parlamento. La polico kaj la kaŝa polico forte batadis la homojn.

2- 70 universitaj profesoroj hieraŭ post vizito al Mir Hosejn Musavi estis arestitaj. Ankoraŭ nenia informo pri ilia sorto.

3- Ŝirin Ebadi - la premiito pri la paco de Nobelo- tre bone antaŭ hieraŭ ĉe la Eŭropa Konsilio pridiris la situacion de la aferoj en Irano kaj petis de la demokrata mondo ne bojkoti iranan registaron ekonomie sed politike. La registaro pro ŝiaj sugestoj estas frenezitaj kaj en la registaraj programoj multe parolas kontraŭ ŝi.

4- Dum noktoj daŭre la tegmentoj fariĝas tribunalo kontraŭ la puĉistoj kaj fraŭdantoj. Je la 22a horo ĉiunokte oni devizas "Allaho Akbar" kaj morto al diktatoro.

5- Estas raportoj ke la polico arestas la vunditojn en la hospitaloj kaj tiel pli torturas ilin.

6- Pri la nombro de la jam mortigitaj oni ne scias la veron. La polico kaŝas la informojn, ofte la kadavrojn la registaro mem entombigas kaj poste informas la koncernan familion pri tio kaj devigas ilin fari nenian intervjuon kun ajna amaskomunikilo.

7- 36 ĵurnalistoj estas arestitaj. Nun irano estas la plej granda prizono de la ĵurnalistoj tra la mondo. Gratulon! ni gajnis iun (fi)konkurencon ...

8- La (stud)jarfinaj ekzamenoj de la pli multo de universitatoj estas nuligitaj.

Ĝis antaŭ semajno Usono estis "la granda satano" en irano kaj hazarde Usono ektrovis konkuranton, jes Britio!
Kial tiu "maljuna vulpo" okupis la 30 jaran lokon de Usono kaj nun estas la plej fi ŝtato je la okuloj de Irana regantaro?
La kialon eble oni devas serĉi pri la pasintsemajna okazintaĵo en londono. Temas pri la blokado de 1 miliardo kaj 600 milionoj da eŭroj flanke de Britio kiu apartenas al iu influhavulo en Irano.
Interesiĝantoj en la reto priserĉu, oni atingos interesajn informojn ...