↑Reza's blog

Aŭtunas kaj mi aŭtunumas…

Hodiaŭ matene veturante al mia oficejo mi ricevis smson anekdotan de iu amiko kiu kaŭzis leginte ĝin hazarde mi ridi! Mi ne scias kia estas la stato en la aliaj mondpartoj sed en irano pli ol 90 procento da smsoj estas anecdote aŭ ŝercenhave.

Foje sms sufiĉas! …

Morto estas respondeca pri la beleco de la flugilo de la papilio!    

(de Sohrab Sepehri - Irana poeto)

Ne estas nia afero malkovri sekreton de la rozfloro
Eble estas nia tasko tiu ĉi postsekvi voĉon de l vero ….
Sohrab Sepehri - Irana poeto

En la aleo ventas

Kaj tio ĉi estas komenco de ruino

…

Kontaktlampoj mallumas

…

                                                        Furug Farroĥzad – Irana poetino

Iun, oni aludis kaj troigis pri li.

Li diris: "mi estas tiu kiun mi scias",  tio etas "mi scias kiu mi estas do ne bezonatas pridiri min".

Antaŭe, vere estis tabuo uzi drogaĵon publike en familiecaj etosoj sed lastatempe jam tio iĝas pli kaj pli ordinara kaj eĉ ceremonia!

Al tiuj geamikoj kiuj ankoraŭ ne konas aŭ ne uzas la programon "esperantilo" mi rekomendas nepre uzi tiun utilan programon en kiu oni tre facile, rapide kaj korekte! povas skribi en Esperanto!
Jen la adreso en kiu oni povas elŝuti la programon kaj akiri bazajn informojn pri ĝi:

http://www.esperantilo.org/oftajdemandoj.html

Ĉu vi iam havis koŝmaron? Mi ne parolas pri sonĝo sed koŝmaro en reala vivo?

Mi multfoje havis kaj baldaŭ priskribos kelkajn ..

Vi loĝas en la ĉefurbo. Via avo mortas en via gepatra vilaĝo kaj vi kune kun via familio iras tien por la forpascerenomio.
Post la fino de la ceremonio vi intencas reveni al via loĝurbo. Via kuzo intencas helpi vin kaj veturigas vin per sia aŭto al la busterminalo. Dum la vojo ĉe vojkruco ŝoforo de alia aŭto kontraŭregule baras la vojon. Via kuzo furioziĝas kaj protestas lin. La ŝoforo diras insulton kaj via kuzo plifurioziĝas, vi intencas mildigi la aferon, sed dume la ŝoforo elaŭtiĝas kaj insultante kuras al via kuzo. la kuzo ankaŭ elaŭtiĝas kaj ili ambaŭ batas unu la alian. Vi ankaŭ eliĝas por pacigi ilin, do vi staras inter ili sed ili tiom nervozaj estas ke neniel intencas ĉesi. La aliaj vojpasantoj ankaŭ kolektiĝas por spekti la bataladon dume via kuzo batas la nazon de la ŝoforo kaj tuj sango elverŝiĝas. Vi fonas al la polico. Post minutoj polico venas kaj dume via kuzo eskapas ĉar timas malliberiĝi!
Vi iras al la policejo kaj la ŝoforo diras ke ĝuste vi batis lin! vi rifuzas sed li insistas ke ĝuste vi intencis mortigi lin per tranĉilego! Vi miras kaj protestas kial li tiom mensogas sed li diras ke li havas atestantojn kiuj atestas ke vi intencis mortigi lin per tranĉilo!! ju pli vi klarigas ke vi neniel intervenis la bataladon kaj ke vi nur klopodis ĉesigi la kverelon des pli la ulo arde akuzas vin ke vi forte batis lin kaj per tranĉilo intencis mortigi lin kaj ke oni povas atesti pri tio!
Malgraŭ tio ke li ne estas vundita kaj nur pro frapo al lia nazo iomete elverŝiĝis sango, li ŝajnigas sin plendolora kaj ke li bezonas urĝan kuracadon. Do la polico diras al vi ke vi devas esti arestita kaj resti en la policejo ĉar vi havas plendanton kiu nur estas survoje al hospitalo!
Estas vespero de vendredo(feria tago en irano) do ĉefuloj de la policejo ne estas kaj vi devas tranokti en la malliberejo de la policejo ĉar ne funkcias juĝejo kaj ĝis sabato (komenco de la semajna labortago en irano) vi "devas toleri" la situacion. Ĉio aspektas kiel koŝmaro sed bedaŭrinde en fakto. Dume viaj parencoj informiĝas pri la afero kaj venadas al la policejo (en malgranda urbo ĉiuj konas unu la alian!)por iel maniere solvi la problemon sed vane ĉar neniu respondeculo estas tie do vi vole ne vole "devas toleri" ĝis sabato, tiam kiam venos la respondeculoj!
...
Finfine sabato!
Frumatene oni eligas vin el la malliberejo kaj antaŭ ol sendi vin kaj vian dosieron al la juĝejo, via onklo "sukcesas" "kontentigi" la plendanton kaj aĉeti la policanojn pagante sufiĉan monon kaj vi "liberiĝas"!
Dume vi pensas kiom facile oni povas droniĝi en ne imageblaj danĝeraj situacioj kaj kiom facile oni povas krei al vi problemojn malgraŭ via penado eviti ilin kaj pli ĉagrenige kiom da homoj ekzistas kiuj pretus atesti ke vi intencis mortigi iun!
...
Antaŭ jaro mi jam trapasis tiun koŝmaron sendorme!

Mahmud plendas ke de antaŭ du jaroj lia frato en irano, atendas permesilon de la ŝtato publiki sian muzikalbumon.
Mi nur mencias etnan diferencon inter irano kaj la cetera mondo: En irano ĉio estas malpermesata krom tiuj kiuj estas aprobitaj de la regantoj kaj en la libera mondo estas inverse!

Iu esperantistino surrete demandis min kion signifas demokratio kaj ĉu laŭ mi en ŝia lando ekzistas demokratio?
Mi respondis ŝin:
Ĉu oni rajtas sin vesti libere?
Ĉu en via lando oni estas liberaj elekti al si mem deziratan laboron?
Ĉu oni rajtas vojaĝi libere?
Ĉu oni rajtas elekti aŭ ne elekti al si mem religion?
Ĉu oni rajtas kunvojaĝi kun siaj amat(in)oj?
Ĉu virinoj en via lando rajtas sole vojaĝi kaj eniri hotelon?
Ĉu edzinoj sen permeso de edzoj rajtas labori laŭ sia plaĉo?
Ĉu gefiloj estas posedaĵo de la patroj?
Ĉu virinoj estas konsiderataj kiel duon homoj?
Ĉu vi rajtas protesti viajn politikistojn kaj poste ne esti malliberigitaj?
Ĉu vi rajtas ...

Ŝi diris al mi ke jam komprenis kion mi intencas konkludi kaj diris ke jes laŭ tiuj demandoj ekzistas demokratio en ŝia lando
:)

Hieraŭ mi ricevis la lastan numeron de la revuo "Sennaciulo" kaj la cenzuristoj de islama respubliko atenteme "gluis" la kovrilpaĝon de la revuo jene:

DSC00025

Mi bone scias ke ili faris tion por ke mi ne enpekiĝu rigardante tiun foton en kiu brakoj de la ulino ne estas "kovritaj" kaj "nudaj" (ĉar islamanoj vidante nudaĵojn forgesas la dion!). Dankon al la cenzuristoj nun mi povas pli glate rekte antaŭeniri la paradizon kie 40 anĝelinoj pli belaj ol la fotogluita virino atendas min regali ...!

Amikoj!

tiel estas la aferoj en mia lando.

Al eksteruloj ne imageblas kian cenzuron oni travivas en irano. Mi klopodos iom priskribi la aferon espereble oni havu senteblan imagon pri la afero. Tiam kiam oni parolas pri la cenzuro ofte oni ekpensas pri politika cenzuro sed tiu fakte estas unu el la multaj en irano. Jen kategorioj de cenzuroj kiujn mi laŭ mia scio trovis en irano:

1- seksa cenzuro: ĉia specaj aferoj rilate la sekso ĝenerale estas cenzurita en irano. Tio signifas ke en televido, amaskomunikiloj neniel eblas, montri, diskuti, desegni, kanti kaj paroli pri seksaj aferoj. Amo nur meritas al la Dio kaj ĉiuj aliaj estas senvaloraj. La celo de geedziĝo estas por la kontentigo de la Dio kaj "produkto" de la sekvantuloj kaj ne plu.

2- religia cenzuro: 4 religioj estas "oficiala"j en irano: islamo, kristanismo, judismo kaj zaratuŝtismo. Malgraŭ tiu fakto ke krom tiuj nomitaj religioj ekzistas miloj kaj eĉ miliono da homoj kiuj havas aliajn religiojn kaj kredojn ili oficiale "ne ekzistas" laŭ la reĝimo en irano kaj kompreneble nenian rajton havas ne jam renomitaj. Eĉ islamo estas tiu kiun priskribas la registaro kaj ĉiuj aliaj versioj estas falsaj.

3- cenzuro de la historio: Laŭ la ideologio de la nuna regantaro nenian valoron havas antaŭ islama historio de irano kaj nur post islamaniĝo de irananoj ili havas "brilan" historion. Do oni forte cenzuras kaj kontroladas ajnan aferon tiu rilate por pli glorigi la islamon.

5- cenzuro de vivstiloj: Ĉia vivstilo krom la vivstilo de "Hizbullaho" kiu estas sur baze de la oficiala ideologio de la regantaro, estas cenzurita. Oni ne rekonas kaj nek respektas aliajn vivstilojn kiuj en fakto ekzistas ene de la socio.

6- politika cenzuro: kiel ĉiuj ideologiaj reĝimoj la politika cenzurado estas tre forta kaj se oni ne havus alireblecon al ektersistema informfonto oni jam kredus ke irano estas ununura paradizo sur la tero kaj ĉiuj aliaj estas dronitaj en malboneco kaj malfacilaĵoj kaj se ekzistas problemoj en irano ĝuste estas intence farite flanke de "la malamikoj de ISLAMO kaj irano".

La rezulto de tiaj cenzuroj memkompreneble alportas multajn problemojn ĉu sociajn ĉu psikajn kaj dum epoko en kiu la teknologio de la komunikado pli kaj pli evoluas kaj disvastiĝas, dum ne tiom vaste pli grandiĝas la kapablo de la cenzuristoj socio kiel irano iĝas kaŝema, hipokritema kaj "sub-polivivmedia".

Antaŭ ol droniĝi en larmo

Priparolu al mi, pri la amo!

...

Ahmad Ŝamlu - Irana poeto