Islamigitaj Nord-Koreaj soldatinoj!

Estis certe ega laboro "vesti" ĉiujn krurojn dum kelkminuta filmeto! Ĉu ĉiuj informoj el ekstera mondo estas tiamaniere prilaboritaj?

Jes estas tiel. En la eksterlandaj filmoj oni neniam vidas ke virinoj manpremas virojn aŭ oni kisas unu la alian :)

Interesas min. Jes granda laboro.

Jes oni "sindoneme" laboras ... :)

La manipulado de informo estas malbona. Kaj ke murd-ilojn manportas virinoj, estas pli malbone.
Estus pli bone, se tiuj maŝinpafiloj estus muzikiloj anstataŭe.

Mi konsentas kun vi, sed la ĉefa celo ne estis diskuti kio estus pli bona se ili kunportus :) ...

En mia lando ekzistas muzikfilmo Kdyby tisíc klarinetů (Se mil klarnetoj..), pritraktanta similaĵon: en unu kazerno ĉiuj armiloj subite ŝanĝiĝis je muzikiloj. Bela penso.

Estas tute senkulpa Photoshop-a ŝminkado. En okcidentaj medioj okazas pli aĉaj mensogoj.

Dissciiĝis, ekzemple, ke fotinte la pribombadon de Beirut iu raportisto plinigrigis en Photoshop la fumon.

Alia raportisto "aranĝis" foton kun duonbruligita Korano sur la ruinoj de domo.

Oni pripensu, kion celis la bildprilaboremaj "faktorikoltantoj".

Ĉiu laŭ sia "favorata" celo misuzas la ilon ĉu ne?

Ŝajnas ke ili vere havas la krurojn kovritaj.

Kompreneble ili havas sed la cenzuristoj ne deziris la helecon kaj ankaŭ iom pli longigis la jupojn laŭ siaj mezuriloj!

Mi ne sciis, ke la deco-postuloj de Irana islama respubliko iras ĝis tia ekstremaĵo.
Sed mi estis nur leginta pri vestado de bildrakontojn.
En la ĉi sekva ret-paĝo
lanturluland.free.fr/lanturluland/francais/1_quid_fr/1_quid_lant_fr.htm
(la bildoj tion montrantaj troviĝas iom fine de la ret-aĝo, vi rulumu iom por vidi ilin)
S-ro Jean-Pierre Petit klarigas kiel la ĉefa heroino de liaj sciencaj bildrakontoj, Sofio, estis islame vestita en la perslingva eldono. Li ankaŭ klarigas, ke ankaŭ en USONO ŝi estis cenzutrita: dum en la anglia eldono ŝi estis lasita kia en la originalo, t. e. en bankostumo, en Usono la eldonisto taksis tion tro "seksema", aŭ eble la feminismaj rondoj plendis, sed oni vestis ŝin per ĝinzoj kaj T-ĉemizo !

La islamaj auxtiritatoj ne volas, ke la soldatinoj malvarmumu:-]

Tutprave, ili estas tiom zorgemaj!

Viaj karaj moral-zorgantoj vidas fantomojn: neniu el tiuj nudaj kruroj eĉ tiklis ian ajn viran eksciton de mi...

Ĝenerale, virinoj kun uniformo firavas min... sed tiuj koreaj soldatinoj nur vekas indiferenton...

La afero estus ridinda se la transformigo estus ŝerco, sed al irananoj tio estas realo!

Nu, kiam oni ĉiam kaj ĉiam rediras al ni, ke la angla estas la internacia lingvo, ke nur ĝi havas estontecon, ke ni (francoj) estas treege malkapablaj pri lernado de lingvoj....

Kiam, dum televidaj intervjuoj eksterlande oni ĉiam (aŭ plejofte) montras atestantojn, kiuj parolas angle (eĉ se en tiu-ĉi lando estas nur et-etaj parto de la enloĝantaro, kiu scipovas ĝin), tre malofte montras homojn, kiuj esprimiĝas per gepatra lingvo (kun profesia traduko al nia lingvo) ktp, ktp...

Kiam oni diras, kaj rediras al ni ke "modernigo" de la ekonomio konsistiĝas per ĉiam pli da privatigo, ke la malriĉuloj "meritas" sian statuson, ĉar ili ne sufiĉe emas al laboro... ktp ktp...

Tiel, oni ankaŭ aliformigas la realon!!!

La malĝojiga afero estas... ke bedaŭrinde la amasoj kredas je kio estas "montrata" al ili!!!

(Kompreneble mi tute ne konsentas pri la islamigo de soldatinoj!)... ;-)

Dankon, Reza por montri al ni la cenzuro en Irano, Grizalupo pravas : "La afero estus ridinda se la transformigo estus ŝerco, sed al irananoj tio estas realo!"
Mi ankoraŭ memoras pri kio okazis al la frontpaĝo de la gazeto "Sennaciulo" kiam ĝi montris foton de handikapita belulino.
Nun, jen kio okazas en Francio :
En Francio, eĉ ne bezonas ŝtata cenzuro :
"Paris-match" ne volis doni malbonan bildon de la "kara Prezidanto" : latelelibre.fr/index.php/2007/08/paris-match-retouche-sarko
Ĉu li havas problemojn pri sia fizionomio ? ... mmmm.... www.paperblog.fr/939449/nicolas-sarkozy-est-il-complexe
Eble, eble...
Sed, ĉu tio limiĝas al "la kara prezidanto" ? www.lexpress.fr/actualite/politique/le-figaro-retouche-une-photo-de-dati-a-la-une_706998.html Kiam la registaro diras, ke la popolo devas akcepti reformojn, pro la krizo, ne estas bona ideo montri registaranon, kiu havas 15000€-a ringo.

Interesaj estas la menciitaj ligiloj! tamen la diferenco inter la nia kaj la via estas ideologia cenzur(ad)o :)

Mi dirus, ke la du estas ideologiaj. Eble la diferenco estas pri la tipo de ideologio, religia aŭ politika.
Samtipaj manipuladoj de fotoj estas terure ofta.
Se oni juĝas nin kiel infanojn, kiuj ne povas vidi la veron, anstataŭ bildkorektadojn mi finfine preferas kaŝilojn ĉar almenaŭ oni scias, ke io estas kaŝita.