Urĝe: islamo en granda danĝero!

Cezar

Pli da respekto,
vantaj akvopafistoj!

Akvon pafi per pistolo
estas ago de frivolo.
Kiu akvon tiel pafas,
eble eĉ mulaon trafas.

Se li trovas tion bona,
li ne agas plu sindona.
Ramadano estu seka,
sen banado kaj senpeka!

Se infano akvon pafas,
islamanon tiel trafas,
tio estus ja signalo,
sekvus tuj la ŝtatdisfalo.

Restu longa nia barbo
tute blanka laŭ la farbo.
Nur tre aĝaj aciduloj
ekrezignas pri postuloj.

PS: Alaho estas granda, kaj ni estas liaj poetoj:)

http://karapacopanoramo.blogspot.com/2011/08/cezar-pli-da-respekto-vantaj.html

tre plaĉa, trafa poemo, gratulon

bonega poeme kaj trafa :)
ŝajnas ke la okazintaĵoj en mia lando donas bonajn elementojn al vi :))

Jes mi rigardas kun granda intereso, kio okazas en via lando, estas ĉiam denove agrabla sento sperti, kiel popoloj forbalasas siajn diktatorojn. Pripensu, ke ankaŭ mi estas homo, kiu naskiĝis en diktaturo de stultuloj, anstataŭ krei la socialismon, ili detruis ĝin. Oni povus ridi pri tio, se ne estus tiel malĝojiga. Honecker kaj lia bando ne estis joton pli bonaj ol viaj ĉefoj. La problemo estas ja ĉiam la sama, ĉu la popoloj administru sin mem aŭ diktatoroj por ili? Diktatoroj estas ĉiuj egoistoj, sed popoloj povas agi solidare, tio donas al ni ĉiuj esperon:) La araba revolucio nepre necesas, por forbalai tiujn, kiuj subigas sian popolon. En via lando iam la elita junularo transprenos la potencon, moderna kapitalismo ĉe vi ekestos, kiu certe estos pli bone eltenebla ol stultaj religie blindigitaj diktatoroj. Kaj tamen ĝi ne estos la lasta revolucio, kiu okazos, poste iam estos la kapitalismo mem en la vico, ankaŭ tiu ne ĉiam regos, mi certas. Iam la popoloj administros sin mem, kaj tiam estos senfine da loko por amo kaj libero, eĉ justeco tiam ne plu estos bezonata, ĉar ne estos plu grandaj maljustecoj. Homoj tiam fariĝos pli kaj pli gefratoj, kanonoj estos nur plu videblaj en muzeoj, ili tie pace ronkos, ĝoja pri tio, ke ili ne plu devos murdi:) arabojn kaj kristanojn:)

Jes ja, nun tio estas ankoraŭ utopio, tamen utopioj necesas, por ke povu esti revolucioj, utopioj estas fantazioj kiuj urĝas realiĝi. "Se nur unu el multaj revas, estas nur revo, sed se multaj revas, estas jam pli ol tio, tiel, kiel ĉe vi en Irano.

Mi deziras al vi ĉiuj, ke vi venku! Ke vi vivu iam sen surdevigitaj religiaj dogmoj, sen uloj, kiuj volas peli vin pro senbrida orgojlo en abismojn.

koran dankon pro via solidareco kaj poemo :)