La rajto ne voĉdoni

Ĉu iu iam diris al vi: se mi vidos vin en la balotejo, vi havos problemojn ?
Mi konas homon al kiu oni tion diris. Tial mi favoras devigan sekretan balotadon.
Se neniu kandidato plaĉas al vi, uzu blankan balotilon, tiel vi ne voĉdonas.

persone ankoraŭ ne spertita!
laŭ mi blankbalotile voĉdoni ne bonas kaj mi ne ŝatas tiel agi ...

Se oni ne trovas ĝustan kandidaton, oni povas skribi protestan esprimon, ankaŭ tiu estas baloto. Ne voĉdoni egalas al rezigno pri batalo por propraj ideoj.

fakte mi pli emas rezigni ...

Kion oni povas fari, krom rezigni? Ankaŭ protesta esprimo estas rezigno - kun grumblado. Kontraŭagi oni ne povas.

Se la plejparto de iu popolo fariĝos faŝisma (tio povas okazi, eĉ jam okazis) aŭ nur ne kontraŭfaŝisma, la faŝistoj venkos per balotado, demokratie. Malebligi tion oni povas neniel per demokratiaj rimedoj.

En Eŭropo multloke estas tia tendenco. La plejparto de miaj konatoj (inkluzive eĉ esperantistoj) se ne protektas, minimume toleras faŝismon. En retlisto de ducent-tricent listanoj 2-3 alparoloj protektis rekte mian kontraŭfaŝisman/kontraŭrasisman replikon.

Kara Helena,
batali por propraj ideoj oni povas fari ĉiutage diversmaniere, (ne)balotado estas nur unu plia

Mi havas la saman problemon......sed mi tute interkonsentiĝas kun Helena.
Agrablan dimanĉon al vi!

dankon pro via bondeziro!
se ekzistus partioj en mia lando jes mi ŝatus tielagi sed bedaŭrinde ne ekzistas iu partio ekster la registara kaj malgraŭ tio ke ŝajne ekzistas kelkaj partioj tamen en fakto ili ĉiuj prezentas vizaĝojn de unu sola sen alternativa sistemo kaj regantaro

Kara Reza,
mi komprenas vin. Preskaŭ la samo ĵus okazis en Europo. Ankau mi ne trovis esperigan partion :(

Maria- Ni ne havas la saman problemon kiel Reza !!!

kia mondo? ŝajnas ke ĉiuj ia spece saman problemon havas!

Honeste kara samideano, ankaŭ mi kelkfoje pensas pri ne partopreni en la balotoj. Kelkfoje mi emas trastreki la voĉdonilon por montri la proteston kaj por eviti ke oni pensus ke mi nur pro maldiligentemo forestis de la voĉdono. Ĉi-momente la politikaj aferoj en Germanio statas tiel: Estas malbonaj partioj kaj malbonegaj. Ni de 1998 eĉ havas partion kiu iam bonfamis kiel pacifista partio, kun anoj kiuj pli ol unufoje apenaŭ enmalliberejiĝis, kiuj dum la 70-aj jaroj blokis usonajn rakedejojn en Germaio kaj ... kiuj tuj post ke ni ilin elektis kiel reganta partio komencis militon kontraŭ Jugoslavio, eĉ rompante internacian leĝon.
Ekde tiam mi esence ne plu interesas kiu regas nin, almenaŭ dum ke la reganotj ne estas de vere faŝista partio. Mi partoprenas en la balotoj por ke ni havu fortan opozicion en la parlamento kiu evitu la plej grandajn aĉaĵojn intencatajn de la registaro. Sed mi neniam plu kredigos al mi ke tiuj opoziciaj partoj ne konvertiĝos al la samaj koruptaj aĉuloj, kiuj aktuale regas la landon, se ili mem estos elektataj kiel registoj kaj ne plu estos opozicio.
Ni ne forgesu: Ili estas politikistoj. Mensogo, riĉigi sin kaj perfido estas faceto de ilia profesio. Sed kiu volas ŝanĝi malbonaĵojn en la lando tiu faru mem.

se ekzistus diversaj politikaj partioj kiuj klopodas allogi la popolon al si, laŭ mi tio estas bonvena ĉar almenaŭ ia konkurenco okazus kaj la partioj devus almenaŭ ion fari por ke denove estu subtenata de la voĉdonantaro.

Politikistoj aŭskultas kion la popolo volas havi. Povas esti faŝisma registaro, ekstremdekstra/maldekstra aŭ centro. En Belgio regos sekvajn jarojn la katolika-demokratoj. Do dio kiu kunregas kun la gvidantoj. Mi felicas ke mi donis kontrauvoĉon kaj tiel iomete subtenis la opozicion.
Kion volas la popolo? Kiel respondis Julio Cezar "pano kaj ludoj". Pri socialaj problemoj, pri "monda financa krizo" la balotantoj fajfis.
Ankaŭ flandraj naciistoj havis fortan subtenon. Dividu kaj regu. Neniu nova en la mondo do.
Tamen, kvankam devige en Belgio, mi kun plezuro iras al balotejo kaj klopodas elekti propran ĉenaron.

la problemo estas tio ke ĉe ni la opozicio ne rajtas partopreni en la balotado! do tute sensignifas la balotado mem ...

Kara Reza,
Sed almenaŭ en televido aperis publika diskuto inter la kvar kandidatoj, ĉu ne? Mi vidis interrete. Ĉu la tri escepte de la nuna prezidento ne estas opozicioj? Ĉu la tri estas nur ŝajnaj opozicioj kaj efektive estas marionetoj de la reganta partio?
Miaokaze ankaŭ mi foje ne trovas voĉdonindan kandidaton, sed voĉdonas al malpli malbona
kandidato aŭ per blanka voĉdonilo, ĉar se mi rezignas voĉdoni, nenie esprimiĝas mia kritikemo. Almenaŭ administra komisiono de baloto publikigas, kiom da jesvoĉoj, kiom da malvalidaj voĉoj.
Ĉu en Irano ne funkcias "malvalidaj voĉoj"?

1- ĉiuj 4 kandidatoj estas "elektitaj" de komisiono kiu decidas al kiu(j) oni devas voĉdoni. Tio signifas ke ne ĉiuj eminentuloj havas ŝancon esti kandidato sed nur tiuj kiuj estas kontentigaj al la komisiono. La komisiono agas senlime kaj sen klara principo. Iu persono povas esti akceptita kaj postan fojon fifuzita kaj male ...
2- la balotado ne okazas en vera demokratia kondiĉaro. duonmilta gardantaro kiu estas respondeca pri la okazigo de la balotado povas ŝanĝi ĉion kaj la ekzemplo estas Ahmadineĵan (la nun prezidento) kiu ne estis vere elektita sed "subtenita" de tiuj duonmilita gardantaro kaj oni supozas pli ol 5 milion da voĉoj "subite" fluis je lia flanko de "neniejo" kaj li iĝis la prezidento.
3- la organizantoj de la balotado ne estas fidindaj kaj neŭtralaj. Oni uzas blankajn voĉojn je la profito de sian dezirata kandidato do tute sensignifas blanka voĉdonado.
4- Vi mezuras la aferojn laŭ via landa kaj monda principo kiu en lando kiel irano similas al amara ŝerco.
...

Estas problemo kiam oni ne havas kion elekti... Mi jam dudek jaroj vivas en "demokratio" sed eblecojn elekti iun bonan kaj kvalitan dun balotojn estas sama kiel en iama Jugoslavio :-))) Nuntempe mi provas elekti malpli malbona varianto. Eble iam mi vivos en rekta demokratio au libera socio (anarhio)...

se ekzistus elekto inter malbona kaj malplibona, do ankaŭ tio akcepteblus sed je mia kazo domaĝe eĉ ne ekzistas tio :(

Mi kiel brazilano diras ke iuj el vi tute pravas...sed s-rino Helena pli ol ĉiuj!

Sed kara amiko s-ro Reza...blanka voĉdono nenion volas diri.
Voĉdonu laŭ via konscienco!

ĉar la balotado en mia lando ne estas justa (nur tiuj kiuj aprobas la registaron rajtas kandaidatiĝi) do laŭ mi partopreni en tia balotado estas aprobo de la misago de la registaro kaj ĉar mi ne ŝatas tian situacion mi ne volas enmiksiĝi.

interese kiel multe tiu-ĉi temo tuŝas homojn :)

Mi mem voĉdonis antaŭhieraŭ kaj ĝojas pri la rezulto de mia partio, samtempe kiel mi malĝojas pro la tuteŭropa rezulto kaj badaŭras ke ne pli da malaltranguloj voĉdonis.

Samtempe mi tute komprenas samideanon na Reza. Se oni vere malŝatas ĉiujn alternativojn ,kaj ne rajtas starigi propran, oni pli bone ne donu legitimecon al la (teatraĉa) sistemo. Tamen malgranda malaprobo, tiu laŭ mi ŝajnas keil konscia ago dum tago de fuŝa balotado!

mi envias vian situacion :)

:) interese!

En novaĵraporto de BBC (pri la "ina povo") mi legas, ke "70% de la popolnombro de Irano estas malpli ol 30-jara". Ĉu vere! Kiel okazis, ke vi estas lando tiom juna?! :-)

En Barato, 57% estas inter la aĝoj 15-59; ĉ. 35% estas malpli ol 14-jara; kaj 7,5% pli ol 60-jara.

Je la komenco de 80a jardeko la registaro rekte kaj malrekte subtenis plilarĝiĝon de la familio ofertenate diversajn avantaĝojn. Oni intencis pli grandigi ŝijaistojn kaj bezonis batalantojn ... nun post 20 jaroj la registaro ne scias kion fari kun tiom juna generacio kiu postulas komfortan senideologian vivkondiĉon!
manko de loĝloko, selaboreco, senjusteco kaj .... pli kaj pli kreskas en la lando kaj la teokratoj estas dronitaj en la problemaro do ili serĉas ion skapvojon kaj la plej facile atingebla estas ia senca "milito" ...
milito povas "kuraci" multajn politikajn aferojn ĉu ne?

En mia lando la voĉdonado ankoraŭ estas deviga - do ni ne rajtas ne voĉdoni sen leĝaj problemoj. Tro multas urbaj, ŝtataj kaj federaciaj registraranoj kun altaj salajroj. Mi ne komprenas kiel ekzistas urboj kun milionoj da homoj kaj flanke miloj da vilaĝo-urboj kun miloj da aŭ centoj da homoj ĝenerale estrata de loka riĉa familio kun diversaj publikaj postenoj por tre lokaj (mal)agadoj, ĉio ebligata de imposta mono. Krome "ili" mem kreas al sin nepuneblan leĝaron, specialajn favorojn ktp. Tio estas skandalema. Kaj nia informedio estas ties trompiga partizano. Do inter ili, ili nur gajnas kaj lukras. Ili sukcesas gajni per interkonsentoj, ili sukcesas gajni per intrigoj kiuj rezultas nenion - kvazaŭ novelo. Kaj la voĉbalotantoj nur esperas kaj esperas, kiel mi esperas de antaŭ kvardek jaroj. Mi trovas ke la homoj ŝatas trompi si mem, kaj blinde ekzemplas per izola (bona) ekzemplo por reprezenti ka kaŝi la tuton fuŝitan. Kiam mi diras, ke mi ne balotas (nuligas, protestas ktp) la homoj mem mokas mian sintenon (la informedio helpegas nutri tian ideon, kvazaŭ mi krimas - unuflanka televido faras parto de la korpo de Brazilano). Sed kiam mi reklamas "Mi ŝanĝos mian devigan nuligitan voĉon per memvola elektebla voĉo" oni iom hezistas pri tiu amasigita opinio. Tamen, eĉ tiel estas homo kiu kredas, ke oni sukcesas kontroli nian balotadon (ankaŭ scipovas diveni nian vivon) ĉar ĝi estas "elektronika/komputila" - tiel oni timas aliagi - multaj ja vere kredas, ke komputilo povas scii ĉion pri sia vivo, ĉu oni misagis aŭ ne. Kvankam la leĝo malpermesas, tamen neblinde oni rimarkas, ke ankoraŭ ekzistas multaj vendado de voĉdonoj 'kontraŭ rizo aŭ tegolo." Tiel kiel ekzistas tre pli gravaj krimoj: sklavecan laboron, malplenaĝa prostituado, nepotismo, polica torturo, kvankam la leĝo tre bele kontraŭas kaj pununtas (ne el punu, sed el punus!).

Tamen en al lando kie ĉio (mon)eblas... ĉu oni kontrolu? Ĉu alilande similas?

Ĉu rajto ne voĉdoni ekzistas? Ĉu ne temas pri libereco?

Mi konas landojn, kie kelkaj homoj (ĝenerale plenkreskulaj civitanoj) havas la rajton voĉdoni, kaj la liberecon ne voĉdoni, kaj aliaj landoj kie la plenkreskulaj civitanoj estas devigataj voĉdoni (ekzemple Aŭstralio) kaj pagas monpunon se ili ne voĉdonas.

Se oni ne rajtas maluzi rajton, tiam la rajto ne plu estas rajto sed iĝas devigo. Libereco signifas havi multajn rajtojn (sen ĉiujn uzi), sed malmultajn devigojn.

Kiam mi ne trovas taŭgan kandidaton mi tamen voĉdonas, aŭ blanke (senutila, sed simbola protesto), aŭ skribante la nomon de ne-kandidato (mian propran nomon aŭ nomon de amiko, kiun mi opinias taŭga) por plialtigi la plimulton sen elekti oficialan kandidaton.

Sed mi ne scias kiel balotoj funkcias en Irano, kaj ĉu eblas voĉdoni por maloficialajn kandidatojn, verŝajne ne....:-(....

Amike,
Benno

Rajtoj kaj devoj dependas unu de la alia, ĉar ĉiu mia rajto estas devo de iu alia. Mi bezonus havi rajton ricevi la opinion kaj subtenon de miaj samŝtatanoj ekzemple kontraŭ faŝismo. Ĉu tio ne estus justa rajto? Sed tiu mia rajto generus la devon por ĉiu partopreni balotadon.

Sen tia leĝo - kiel ankaŭ en Francio preskaŭ okazis antaŭ 1-2 jaroj - faŝistoj pli facile povas venki. Aliflanke faŝistoj en kapitalisma demokratio ĉiam havas ŝancon venki, nur socialisma demokratio estis sekura kontraŭ tio. Tiam ankaŭ baloti estis devo.

Ankaŭ la anonimeco estas argumento por la deviga balotado. Ja - okaze de deviga partopreno kaj sekreta balotado - pri neniu oni ekhavas per tio ian polotikan informon. Se oni rajtas ne partopreni, oni jam ekzemple povas influi la balotadon per minaco, aŭ facile diveni politikan konvikiĝon, opoziciecon ktp.

Jes oni rajtas ne voĉdoni.
Ankaŭ en Nepalo, tuj post la fifama puĉo tiama reĝo anoncis baloton por ubestroj kaj vilaĝestroj. Tio li planis okazigi kiam homoj ne haivs rajton paroli demokratie pri la puĉo kaj la privataj radioj ne ne rajtis elsendi novaĵon kaj iris soldatoj en ĵurnalistaj oficejoj por cenzuri. Kion fari?

Ni simple diris ke ni ne voĉdonos. Tiel ni sukcesis doni nian voĉon kontraŭ la puĉo.

Kaj vidu, tiuj puĉinto nun tute ne ekzistas. Li loĝas en ĝangalo kaj eble dronas sin al importitaj boteloj de viskio.