Karl Vanselow - Modesta Esperanto poeto kun skandala biografio
La nomo de la poeto Karl Vanselow estis en la mezo de 20-a jarcento multe pli konata ol nun. Li ne nur tradukis centon da popularaj kantoj al Esperanto, sed aranĝis en Berlin publikajn prezentojn kun deklamado kaj kantado. La Esperantistoj eble ne konsciis, ke similaj eventoj antaŭ la Unua Mondmilito estis rigardata kiel skandalo. Vanselow estis temo de la internacia gazetaro kaj foje devis aperi antaŭ tribunalo. Tiam li aŭdacis prezenti la belan Olga Desmond nude dancante sur la szenejo. Sub la titolo "Schönheitabend" la prezento iĝis populara ne nur en Germanio kaj estis utila varbado por lia revuo "Die Schönheit" kun zorge elektitaj fotoj kaj tekstoj.

Oni rigardas Vanselow kiel pioniro de nudismo kaj naturismo. Ĉi tiuj estis gravaj elementoj de la vivreforma movado, kiu okupiĝis ankaŭ pri vegetaranismo, seksa liberiĝo, justa distribuo de la grundo ktp. kaj similis al nuntempaj alternativaj movadoj.
Pro la aŭtoro kaj reĝisoro Jean Forge li ekinteresiĝis pri Esperanto kaj iĝis fervora propagandisto. Karl Vanselow utiligis siajn spertojn kiel eldonisto de diversaj revuoj kaj organizanto de sursceneja prezentoj en la servo por Esperanto, sed nun sen la nudaj virinoj kaj sen skandaloj. Li verkis germanlingvan lernolibron por Esperanto en rimoj kaj preparis elsendojn en la radio.Eĉ hodiaŭ oni povas lerni de Karl Vanselow kaj ĝui lian ampleksan verkaron. Dum Arkones okazos supozeble la unua prezento de liaj fotoj el la "ĝardeno de beleco" en Werder an der Havel. Tie li kun certaj amikoj kutimis foti belajn korpojn – virajn kaj virinajn.